10.08.2026 | 12:11
ԱԺ-ում Արամ Վարդևանյանի ընտրության հարցով քվեարկություն է // Ջերմաստիճանը մինչև 5 աստիճանով կնվազի․ ԼՈՒՐԵՐ
ԱՄՆ պետքարտուղարը՝ ՌԴ-ի հետ բանակցությունների մասին
Քաղաքականություն
18.02.2025 | 17:52
ԱՄՆ պետքարտուղար Մարկո Ռուբիոն ասել է, որ բոլոր կողմերը, այդ թվում՝ Ռուսաստանը, Ուկրաինան և Եվրոպան, պետք է համաձայնեն Ուկրաինայի հարցով խաղաղության համաձայնագրի կնքմանը, իսկ ԵՄ-ն պետք է «ինչ-որ պահի» ներգրավվի այդ բանակցություններում, հայտնում է Reuters-ը։
Նա նաև նշել է, որ Ռուսաստանը պատրաստ է միանալ բանակցությունների «լուրջ գործընթացին»։ Ռուբիոն նշել է, որ բանակցային գործընթացի նպատակն է հակամարտությունն ավարտել «արդար ու ամուր ճանապարհով»։ Նա հավելել է՝ ԱՄՆ-ի և ՌԴ-ի բանակցողները կշարունակեն փոխգործակցել այս հարցով։
Պետքարտուղարության հայտարարության մեջ էլ ասվում է, որ մեկ հանդիպումը բավական չէ ուկրաինական հակամարտության կարգավորման համար, սակայն Միացյալ Նահանգներն ու ՌԴ-ն պայմանավորվել են ապահովել բանակցային գործընթացը «արդյունավետ ձևաչափով», իսկ Էր Ռիադում կարևոր առաջին քայլն է արվել։
Մասնավորապես, Պետքարտուղարության ներկայացուցիչը հայտնել է, որ Լավրովն ու Ռուբիոն պայմանավորվել են ստեղծել Ուկրաինայի հարցով բանակցային խումբ։ Նրանք նաև պայմանավորվել են ստեղծել խորհրդատվական մեխանիզմ՝ երկու երկրների հարաբերություններում «գրգռողներին» վերացնելու համար:
Թարգմանությունը՝ Տաթև Ֆռանգյանի
