09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Լևոն Տեր-Պետրոսյանն իր առանձնատանը հանդիպել է ՀՀ-ում ՌԴ դեսպան Սերգեյ Կոպիրկինի հետ
Քաղաքականություն
18.02.2025 | 17:08
Այսօր, փետրվարի 18-ին, ՀՀ Առաջին նախագահ Լևոն Տեր-Պետրոսյանն իր առանձնատանը հանդիպել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ․ գրառմամբ տեղեկացնում է ՀՀ առաջին նախագահ Լևոն Տեր-Պետրոսյանի խոսնակը։
«Ավելի քան մեկ ժամ տևած զրույցի ընթացքում շոշափվել են հայ-ռուսական հարաբերություններին, Հայաստանի ներքին իրավիճակին և տարածաշրջանային անվտանգությանն առնչվող հարցեր»,- ասված է հաղորդագրությունում։
Հիշեցնենք, որ երեկ ՀՀ երկրորդ նախագահ Ռոբերտ Քոչարյանն ասուլիս էր հրավիրել և պատմել, որ Լևոն Տեր-Պետրոսյանն է իրեն խնդրել, որ գա Հայաստան վարչապետի պաշտոնը զբաղեցնի, իսկ ինքը Լևոն Տեր-Պետրոսյանին ասել է՝ «Չնեղանա՛ս, քեզ որպես շեֆ չեմ ընդունելու»։ Ժամեր անց ՀՀ առաջին նախագահի խոսնակը հաղորդագրություն էր տարածել, թե՝ «Ի պատասխան լրատվամիջոցների հարցումների, տեղեկացնում եմ, որ նախագահ Տեր-Պետրոսյանը մտադիր չէ պատասխանել Ռոբերտ Քոչարյանի՝ այսօրվա ասուլիսում արտահայտած ստերին և հետին թվով մոգոնած հեքիաթներին»:
