13.01.2026 | 18:20
ԵՄ-ն խոստանում է պատժամիջոցներ կիրառել Իրանի նկատմամբ «սարսափելի զոհերի պատճառով»
Ուշակովը՝ Պուտին-Թրամփ հանդիպման ժամկետի մասին
Քաղաքականություն
18.02.2025 | 17:21
Ռուսաստանի և Միացյալ Նահանգների նախագահներ Վլադիմիր Պուտինի ու Դոնալդ Թրամփի հանդիպման կոնկրետ ամսաթիվը դեռ որոշված չէ, բայց «դժվար թե դա հաջորդ շաբաթ լինի»։ Այս մասին հայտարարել է ՌԴ նախագահի օգնական Յուրի Ուշակովը, գրում է ՏԱՍՍ-ը։
«Մեզ անհրաժեշտ է սերտ աշխատանք երկու երկրների պատվիրակությունների միջև։ Մենք պատրաստ ենք դրան, բայց դեռ դժվար է խոսել երկու առաջնորդների հանդիպման կոնկրետ ժամկետի մասին»,- ասել է նա ռուսական Առաջին ալիքի եթերում։
Դիվանագետը կասկածի տակ է դրել ավելի վաղ Bloomberg-ի հրապարակած տեղեկատվությանը, թե երկու երկրների նախագահների հանդիպումը կարող է կայանալ հաջորդ շաբաթ։
«Դա քիչ հավանական է»,- պատասխանել է Ուշակովը:
Նա նաև հայտարարել է, որ Էր Ռիադում ԱՄՆ-ի և ՌԴ-ի բանակցությունները լավ են անցել, և կողմերը կարողացել են լուրջ քննարկում ունենալ նախատեսված բոլոր հարցերի շուրջ։
Թարգմանությունը՝ Էմմա Չոբանյանի
