08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԱՄՆ-Ռուսաստան բանակցություններն ավարտվել են․ դրանք շուրջ 4,5 ժամ են տևել
Քաղաքականություն
18.02.2025 | 16:38
Սաուդյան Արաբիայի մայրաքաղաքում ավարտվել են ԱՄՆ-ի և Ռուսաստանի պատվիրակությունների բանակցությունները։ Հանդիպմանը մասնակցած ՌԴ նախագահի օգնական Յուրի Ուշակովը հայտնել է, որ բանակցությունները հաջող են անցել, կողմերը պայմանավորվել են ապագայում հաշվի առնել միմյանց շահերը, փոխանցում է Կոմերսանտը։
Ռուս-ամերիկյան բանակցությունները շուրջ 4,5 ժամ են տևել։
Հիշեցնենք, որ նախօրեին ՌԴ ԱԳ նախարար Սերգեյ Լավրովը և նախագահի օգնական Յուրի Ուշակովը ժամանել են Էր Ռիադ՝ բանակցելու ամերիկյան պատվիրակության հետ։ Ռուսական կողմից բանակցություններին ներկա է նաև Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը։ Ամերիկյան պատվիրակության կազմում են պետքարտուղար Մարկո Ռուբիոն, ԱՄՆ ազգային անվտանգության հարցերով խորհրդական Մայք Ուոլցը և Մերձավոր Արևելքի հարցերով հատուկ բանագնաց Սթիվ Ուիթկոֆը։
Մինչ այդ, Կիևը հայտարարել է, որ խաղաղության համաձայնագիր չի կարող կնքվել Ուկրաինայի անունից բանակցություններում, որոնց չի հրավիրվել։
Թարգմանությունը՝ Տաթև Ֆռանգյանի
