18.12.2025 | 23:24
ՀՀ տարածքում ավտոճանապարհները հիմնականում անցանելի են
Պուտինը պատրաստ է Զելենսկիի հետ բանակցությունների, սակայն պետք է հաշվի առնել Ուկրաինայի նախագահի լեգիտիմության հարցը․ Կրեմլ
Քաղաքականություն
18.02.2025 | 15:18
ՌԴ նախագահ Վլադիմիր Պուտինը պատրաստ է բանակցել Վլադիմիր Զելենսկիի հետ, սակայն պետք է հաշվի առնել Ուկրաինայի նախագահի լեգիտիմության հարցը։ Այս մասին հայտարարել է Կրեմլի խոսնակ Դմիտրի Պեսկովը, գրում է Meduza-ն։
Նրա խոսքով՝ Պուտինը «բազմիցս ասել է, որ անհրաժեշտության դեպքում պատրաստ կլինի բանակցել Զելենսկիի հետ»։
«Միևնույն ժամանակ, համաձայնագրերի իրավական արձանագրումը ենթակա է լուրջ քննարկման՝ հաշվի առնելով իրողությունը, որը խոսում է անձամբ Զելենսկիի լեգիտիմությունը վիճարկելու հնարավորության մասին»,- հավելել է Պեսկովը։
ՌԴ նախագահը բազմիցս հայտարարել է, թե, իր կարծիքով, Վլադիմիր Զելենսկիի լեգիտիմությունն «ավարտվել է», քանի որ Ուկրաինայում նոր ընտրություններ տեղի չեն ունեցել։
Թարգմանությունը՝ Էմմա Չոբանյանի
