Մտավորականները՝ Երևան քաղաքի խնդիրների և քաղաքապետարանի աշխատանքի մասին․ ՏԵՍԱՆՅՈՒԹ

Գավառական մտածողություն է ամեն ինչ բերել կենտրոնացնել մի տեղ, ուստի, Երևանի խնդիրների լուծումը տեսնում եմ նաև Երևանից դուրս։

Այս մասին այսօր հրավիրված մամուլի ասուլիսի ժամանակ ասաց Տիկնիկային թատրոնի գեղարվեստական ղեկավար Ռուբեն Բաբայանը՝ շեշտելով, որ այս մտածելակերպից պետք է հրաժարավել։

«Գավառական մտածողություները բերում է նրան, որ երկիրը կառուցվում է կնտրոնից, մինչդեռ երկիրը կառուցվում է սահմաններից»,-ասաց նա՝ առանձնացնելով Երևանի կենտրոնը խեղդող կառույցների խնդիրը։

«Կառուցվել է Հյուսիսային պողոտան, որտեղ մի ծառ անգամ չկա,  այնտեղ միակ մշակութային օջախը փոքրիկ թանգարանն է, որը շունչ է տալիս այդ մեծ և ապրելու համար անհարմար կառույցին, իսկ նման երևույթներ ունենում ենք այն պատճառով, որ քաղաքային մշակույթը շատ բարձր է, որին մենք չենք տիրապետում»,-ասաց նա։

Տիկնիկային թատրոնի գեղարվեստական ղեկավարը նաև նկատեց, որ հեղափոխությունից հետո գալիս է երկրորդ քայլը, որով պետք է ձևավորվի քաղաքացիական հասարակությունը, և յուրաքանչյուրն ի վիճկի լինի պաշտպանել իր շահը, և սա առաջին հերթին վերաբերում է հենց քաղաքապետարանի աշխատանքին։

Ասուլիսին մասնակից Նկարիչների միության նախագահ Կարեն Աղամյանն էլ,  անդրադառնալով երևանյան խնդիրներին,  նկատեց, որ մեր քաղաքը շատ է ապականվել և կորցրել է իր տրամաբանությունը։

«Ես սրանով եմ բացատրում այն խնդիրները, որ կան, սկսած տրանսպորտից, վերջացրած աղբահանությունը։ Ես չեմ  նախանձում այն մարդուն, ով իր վրա վերցրեց այս ծանր բեռը, քանի որ Երևանի խնդիրներն այնքան շատ են, որ մեկի վրա դնել պարզապես չի կարելի»,-ասաց Նկարիչների միության նախագահը։

Մանրամասները՝ տեսանյութում։