27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
ԵՄ-ն ցանկանում է Ուկրաինային ռազմական օգնության նոր հիմնադրամ ստեղծել
Քաղաքականություն
18.02.2025 | 19:43
Եվրամիությունը նոր փորձ է անում Ուկրաինային ռազմական օգնություն տրամադրելու համար, որը պաշտպանվում է ռուսական ներխուժումից: Փետրվարի 18-ին ԵՄ դեսպանները կսկսեն քննարկել նոր հիմնադրամ ստեղծելու նախաձեռնությունը, որը կֆինանսավորվի ԵՄ անդամ երկրների կամավոր ներդրումներից, հաղորդում է Money.pl-ը՝ վկայակոչելով լեհական PAP գործակալությանը հասանելի փաստաթուղթը։
DW-ի ռուսական ծառայությունը գրում է, որ հիմնական նպատակն է բավարարել Ուկրաինայի առավել հրատապ պաշտպանական կարիքները, ինչպիսիք են խոշոր տրամաչափի հրետանային զինամթերքը, հակաօդային պաշտպանության համակարգերը և հեռահար հրթիռները, Ուկրաինայի զինված ուժերի բրիգադների վերականգնումը և ուկրաինական ռազմական արդյունաբերությանն աջակցությունը։
Հիմնադրամը ֆինանսավորվելու է անդամ երկրների կամավոր ներդրումների միջոցով՝ համաչափ նրանց ազգային եկամտին, ինչպես նաև ռուսական սառեցված ակտիվներից ստացված շահույթով, ինչը կօգնի նվազեցնել ԵՄ երկրների ֆինանսական բեռը։
Այսպիսով, եվրոպական երկրները կկարողանան որոշել, թե ինչպես են աջակցություն ցուցաբերելու՝ Ուկրաինային սպառազինության մատակարարման տեսքո՞վ, թե՞ ընդհանուր հիմնադրամում ներդրումների միջոցով, գրում է պարբերականը։
Թարգմանությունը՝ Տաթև Ֆռանգյանի
