14.12.2025 | 10:28
Վարդենյաց լեռնանցքում բուք է
Ռիադում կարող են որոշվել Պուտինի և Թրամփի հանդիպման ժամկետները․ Պեսկով
Քաղաքականություն
18.02.2025 | 15:46
Կրեմլի խոսնակ Դմիտրի Պեսկովը հայտնել է, որ ՌԴ և ԱՄՆ նախագահներ Վլադիմիր Պուտինի ու Դոնալդ Թրամփի հանդիպման հնարավոր ժամկետների մասին որոշ գնահատականներ կհայտնվեն Ռիադում երկու երկրների պատվիրակությունների հանդիպմանը, փոխանցում է ՌԻԱ Նովոստին:
Սաուդյան Արաբիայի մայրաքաղաք Էր Ռիադում այսօր սկսվել են ռուս-ամերիկյան բանակցությունները։
«Միգուցե որոշ գնահատականներ ի հայտ գան այսօրվա բանակցությունների արդյունքներից ելնելով, բայց մենք այդ մասին կիմանանք ավելի ուշ՝ այս երկխոսության ավարտից հետո»,- լրագրողներին ասել է Պեսկովը։
Հիշեցնենք, որ նախօրեին ՌԴ ԱԳ նախարար Սերգեյ Լավրովը և նախագահի օգնական Յուրի Ուշակովը ժամանել են Էր Ռիադ՝ բանակցելու ամերիկյան պատվիրակության հետ։ Ռուսական կողմից բանակցություններին ներկա է նաև Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը։ Ամերիկյան պատվիրակության կազմում են պետքարտուղար Մարկո Ռուբիոն, ԱՄՆ ազգային անվտանգության հարցերով խորհրդական Մայք Ուոլցը և Մերձավոր Արևելքի հարցերով հատուկ բանագնաց Սթիվ Ուիթկոֆը։
Մինչ այդ, Կիևը հայտարարել է, որ խաղաղության համաձայնագիր չի կարող կնքվել Ուկրաինայի անունից բանակցություններում, որոնց չի հրավիրվել։
Թարգմանությունը՝ Տաթև Ֆռանգյանի
