13.01.2026 | 12:08
ՀՅԴ-ն ներկայացնում է 2026թ․ խորհրդարանական ընտրություններին մասնակցության ձևաչափը․ ՈՒՂԻՂ
Պայմանագրային զինծառայող է հայտնաբերվել՝ կախված վիճակում. ՊՆ-ն արձագանքում է
Հասարակություն
17.02.2025 | 23:10
«Փետրվարի 17-ին՝ ժամը 18:00-ի սահմաններում, ՀՀ Ներքին գործերի նախարարության Ոստիկանության քրեական ոստիկանության գլխավոր վարչության Արարատի մարզի քրեական վարչությունում օպերատիվ տեղեկություններ են ստացվել, որ Վարդաշատ գյուղի տներից մեկի անասնագոմում տղամարդու դի կա»,- այս մասին հայտնում են լրատվամիջոցները։
«Քրեական ոստիկաններն ու պարեկները նշված գյուղի տներից մեկի անասնագոմում հայտնաբերել են նույն գյուղի բնակիչ 31-ամյա տղամարդու դի՝ պարանով կախված վիճակում»։
FactorTV-ի հետ զրույցում ներքին գործերի նախարարի մամուլի քարտուղար Նարեկ Սարգսյանը հաստատեց տեղեկությունը, նշելով՝ տղամարդու դի հայտնաբերվել է, նախնական տվյալներով՝ կախվելու միջոցով ինքնասպանություն գործած։
FactorTV-ի տեղեկություններով՝ տղամարդն աշխատել է Պաշտպանության նախարարությունում, եղել է պայմանագրային զինծառայող։ Մեր աղբյուրների հաղորդմամբ՝ դեպքը ոչ թե ծառայության, այլ անձնական խնդիրների պատճառով է եղել։
FactorTV-ին կապ հաստատեց նաև ՊՆ մամուլի քարտուղար Արամ Թորոսյանի հետ։ Վերջինս նշեց, որ դեպքը ծառայության վայրից դուրս և ոչ ծառայողական պայմաններում է տեղի ունեցել։
Քննչական կոմիտեից հայտնեցին, որ դեպքի մասով կազմված փաստաթղթերն ուղարկվել են Վեդիի քննչական բաժին։
Ռոզա Վարդանյան
