27.06.2026 | 11:13
84 տարեկանում մահացել է երգչուհի Ռաիսա Մկրտչյանը
«Մայրն ուսուցչին ասել է՝ աղջկաս «սումկան» քեզնից թանկ է»․ 10 հոլովակ` հանուն սոցիալական արդարության. ՏԵՍԱՆՅՈՒԹ
Հասարակություն
17.02.2025 | 22:00
Ժողովրդավարության զարգացման հիմնադրամն ու «Կրթություն և համերաշխություն» արհմիությունը ստեղծել են 10 հոլովակներ մանկավարժների համար՝ Հայաստանի դպրոցներում սոցիալական անարդարությունը տեսնելու, իդենտիֆիկացնելու և դրա դեմ պայքարելու նպատակով։ Հեղինակները մտադիր են դրանց օգնությամբ նպաստել հանրակրթության ոլորտում սոցիալական արդարության միջավայրին։
Հոլովակները ստեղծողները նպատակ ունեն, որ դրանք դպրոցներում դառնան քննարկման նյութ, առիթ՝ զրույց սկսելու առկա գերխնդիրների մասին։
«Եթե տեսնում ես սոցիալական անարդարության դրսևորում, երբեմն՝ հենց մանկավարժի հանդեպ, չպետք է խնդիրն անձնավորել կամ թիրախավորել աշակերտներին, որոնք խնդրո առարկա են, հակառակը՝ խնդիրը պետք է վերածել կրթելու հնարավորության, և ամբողջ դասարանին սովորեցնել, թե ինչպես վերաբերվել տարբեր անհատականությունների, քանի որ բոլորս գալիս ենք սոցիալական տարբեր խմբերից»,- ասում է Ժողովրդավարության զարգացման հիմնադրամի տնօրեն Նաիրա Սուլթանյանը։
Բարեվարքությունը հաճախ կապված է արդարության խնդրի հետ, ուստի կարևոր է այդ հիմնարար սկզբունքի շուրջ հանրային գիտակցության ձևավորումը՝ համոզված են հեղինակները։
Ծրագրի աշխատանքային խմբում ներառված են եղել մանկավարժներ, դպրոցների տնօրեններ, ներկայացուցիչներ ԿԳՄՍ նախարարությունից և Երևանի քաղաքապետարանի աշխատակազմի Հանրակրթության վարչությունից։
Մանրամասները՝ տեսանյութում։
Աննա Բաբաջանյան
