21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Չի բացառվում, որ Ուկրաինային տանեն պարտության․ Եվրոպայի ամբողջ անվտանգային համակարգը փլուզվելու է․ Էդգար Առաքելյան․ ՏԵՍԱՆՅՈՒԹ
Քաղաքականություն
17.02.2025 | 20:45
Factor.TV-ի տաղավարում «Ազատ Հայաստան» նախաձեռնության ղեկավար, քաղաքագետ Էդգար Առաքելյանը խոսել է Մյունխենի անվտանգության համաժողովում արծարծված համաշխարհային քաղաքականության առաջիկա ուղենիշներից և թե այս համատեքստում Հայաստանը ինչ հետևություններ պետք է անի, արտաքին քաղաքական ինչ աշխատանքներ տանի։
Հարցին՝ արդյոք Թրամփն ու Պուտինն ունե՞ն որոշում Ուկրաինայի հարցով, բանախոսը պատասխանեց, որ Պուտինի և Թրամփի պայմանավորվածություններում խաղ կա, ապա հավելեց, որ չի բացառվում, որ Ուկրաինային տանեն պարտության, իսկ այդ պարագայում Եվրոպայի ամբողջ անվտանգային համակարգը կփլուզվի։
«Եթե Ուկրաինային տանեն փաստացի պարտության, ապա սա մեծ ազդակ է տալու Ռուսաստանին և ոչ միայն Ռուսաստանին, որ հետայսու այդ հարաբերությունները կարգավորի ուժի միջոցով»,- ասաց Առաքելյանը։
Անդրադառնալով այն հարցին, որ ԵՄ-ն այսուհետ պետք է ինքնուրույն ապահովի իր անվտանգությունը, նշեց․ «Երբ Թրամփն ասում է, որ Եվրոպան ինքը պետք է ստանձնի իր անվտանգության պատասխանատվությունը, մյուս կողմից ասում է Ուկրաինայի և Ռուսաստանի խաղաղության գործընթացն ինքն է տանելու և ինքն է այդ հարցը լուծելու, ապա այստեղ որոշակի հակասություններ կան, քանի որ Ուկրաինայի կոնֆլիկտը հենց ուղիղ Եվրոպայի անվտանգությանն է սպառնում ու հենց Եվրոպայի անվտանգության մասին է։ Հետևաբար, եթե ԱՄՆ-ը ցանկանում է, որ Եվրոպան ինքը զբաղվի իր անվտանգությամբ, ապա ինքը չի կարող անտեսել Եվրոպայի ներգրավվածությունը ռուս-ուկրաինական կոնֆլիկտի կարգավորմանը»։
Առավել մանրամասն՝ տեսանյութում։
Անահիտ Խաչատրյան
