22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
ԱՄՆ-ում ջրհեղեղների հետևանքով առնվազն տասը մարդ է զոհվել
Քաղաքականություն
17.02.2025 | 15:57
ԱՄՆ-ում ձմեռային փոթորիկը հեղեղումներ է առաջացրել հարավային և արևելյան մի շարք նահանգներում, զոհվել է առնվազն տասը մարդ, հայտնում է CNN-ը։
Մահվան դեպքերից ինը գրանցվել է Կենտուկի նահանգում, հայտնել է նահանգապետ Էնդի Բեշիրը:
Եվս մեկ մարդ է մահացել Ջորջիա նահանգում։ Մի շարք տարածքներում որոնողափրկարարական աշխատանքները շարունակվում են։ Բեշիրի խոսքով՝ վերջին 24 ժամում ավելի քան 1000 փրկարարական գործողություն է իրականացվել։ Նահանգապետը փոթորիկն անվանել է «ամենաուժեղներից մեկը, որը հարվածել է Կենտուկիին վերջին տասնամյակում»:
Կենտուկի, Թենեսի և Վիրջինիա նահանգներում ջրի տակ են անցել բազմաթիվ տներ, ճանապարհներ և մեքենաներ։
Փոթորիկը նաև հոսանքազրկման պատճառ է դարձել։ Այսպես, վերջին տվյալների համաձայն՝ Փենսիլվանիայում առանց էլեկտրականության է մնացել ավելի քան 78 հազար տնային տնտեսություն, Մերիլենդում՝ մոտ 65 հազար, Վիրջինիայում՝ ավելի քան 62 հազար, Ալաբամայում՝ մոտ 18 հազար, Կենտուկիում՝ ավելի քան 16 հազար տնային տնտեսություն։
Սպասվում է, որ եղանակային անբարենպաստ պայմանները կպահպանվեն ևս մի քանի օր։ Օդերևութաբանները զգուշացնում են ջրհեղեղների վտանգի մասին։
Ավելի վաղ Կենտուկիի նահանգապետը փոթորկի պատճառով նահանգում արտակարգ դրություն էր հայտարարել։
Թարգմանությունը՝ Տաթև Ֆռանգյանի
