08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԱՄՆ հարկային վարչությունը Մասկի հետաքննությունից հետո 15,000 մարդու կազատի աշխատանքից
Քաղաքականություն
17.02.2025 | 16:30
ԱՄՆ հարկային վարչությունը՝ IRS-ը, նախատեսում է աշխատանքից ազատել հազարավոր աշխատակիցների, հայտնում է AP-ն։ Համապատասխան որոշումը կայացվել է կառավարության արդյունավետության վարչության (DOGE) աշխատակցի այցելությունից անմիջապես հետո։
Գործակալության տվյալներով՝ խոսքը փորձաշրջան անցնող աշխատողների մասին է, ովքեր դեռ չեն հասցրել լիարժեք աշխատանքային պայմանագիր կնքել։ Նրանց աշխատանքային պայմանագրերի խզումը կարող է տեղի ունենալ արդեն այս շաբաթ։
Ո՛չ Սպիտակ տունը, ո՛չ IRS-ը չեն մեկնաբանել այս տեղեկությունը։ Միաժամանակ, ABC News-ի աղբյուրները պնդում են, որ շուրջ 15 հազար IRS-ի փորձաշրջան անցնող աշխատակիցները կզրկվեն աշխատանքից։ Հեռուստաալիքի աղբյուրի խոսքով՝ աշխատանքից ազատվողներն ուղղակիորեն ներգրավված չեն հարկային հայտարարագրերի մշակման մեջ, ուստի նրանց աշխատանքից ազատելը չպետք է ազդի հարկային ծառայության աշխատանքի վրա։
Հեռուստաալիքը նշում է, որ DOGE-ի աշխատակիցներն անցյալ հինգշաբթի են ժամանել ԱՄՆ Ներքին եկամուտների ծառայության կենտրոնակայան՝ ստուգելու IRS-ի տեխնիկական սարքավորումները, ինչպես նաև պարզելու, թե ինչպես են անցկացվում հարկային ծառայության ստուգումները։
Թարգմանությունը՝ Տաթև Ֆռանգյանի
