ԱԹՍ-ները վնասել են Կասպյան խողովակաշարի կոնսորցիումի կայանը․ դրա միջոցով Ղազախստանը նավթ է արտահանում Եվրոպա և ԱՄՆ

Անօդաչու թռչող սարքի հարձակման հետևանքով շահագործումից դուրս է եկել ՌԴ Կասպյան խողովակաշարերի կոնսորցիումի ամենամեծ նավթի կայանը, որի միջոցով Ղազախստանը նավթ է արտահանում Եվրոպա և ԱՄՆ, գրում է DW-ի ռուսական ծառայությունը։

Կոնսորցիումը հայտնում է, որ Կուբանի Կավկազսկի շրջանում գտնվող «Կրոպոտկինսկայա» կայանը վնասվել է յոթ անօդաչու թռչող սարքերի հարվածից լցված  պայթուցիկներով և մետաղական հարվածային տարրերով։

«Թենգիզ-Նովոռոսիյսկ խողովակաշարային համակարգով նավթի փոխադրումն իրականացվում է  իջեցված արագությամբ՝ շրջանցելով նավթի կայանը»,- ասվում է ընկերության հայտարարության մեջ։

Նշվում է, որ անձնակազմի շրջանում զոհեր և վիրավորներ չկան։

«Գլխավոր տնօրենի գլխավորությամբ կառավարչական խումբը մեկնել է դեպքի վայր՝ գնահատելու վնասը և որոշելու կայանի աշխատանքը վերականգնելու համար անհրաժեշտ ժամանակը»,- հավելում է ընկերությունը։

ՌԴ ՊՆ-ն իր հերթին հայտնում է Ուկրաինայից անօդաչու թռչող սարքերի և հրթիռների օգտագործմամբ լայնածավալ հարձակման մասին։ Նշվում է, որ անցած գիշեր ոչնչացվել է 90 անօդաչու թռչող սարք, այդ թվում՝ 38-ը՝ Ազովի ծովի ջրերի վրա, 24-ը՝ Կրասնոդարի երկրամասի, 15-ը՝ բռնակցված Ղրիմի, 7-ը՝ Սև ծովի ջրերի, 2-ական՝ Կուրսկի և Ռոստովի մարզերի, մեկական՝ Բելգորոդի ու Բրյանսկի Բելև շրջանների տարածքների վրա։

Իր հերթին, Կրասնոդարի երկրամասի նահանգապետ Վենիամին Կոնդրատևը գրել է, որ «Սևերսկի շրջանի Իլսկի գյուղում բեկորների անկման հետևանքով 12 տուն է վնասվել, մեկ մարդ վիրավորվել է»։ Տների մեծ մասի ապակիները կոտրվել են, վիրավոր կնոջը ցուցաբերվել է առաջին բուժօգնություն։

Mash տելեգրամ ալիքի փոխանցմամբ՝ անօդաչու թռչող սարքի հարձակումը տեղի է ունեցել Իլյինսկի նավթավերամշակման գործարանի մոտ գտնվող Սևերսկայա գյուղում հրդեհ է բռնկվել։

Թարգմանությունը՝ Էմմա Չոբանյանի