03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Վազգեն Սարգսյանը տեղյակ էր ամեն ինչից. Քոչարյանը` բանակցությունների ընթացքի մասին․ ՏԵՍԱՆՅՈՒԹ
Քաղաքականություն
17.02.2025 | 12:14
«Ամբողջ բանակցային գործընթացը մինչև 1999 թվականը եղել է հետևյալ բովանդակությամբ․ համանախագահները չէին կարողանում դուրս գալ տարածքային ամբողջականության սկզբունքից դուրս»,- այս մասին մամուլի ասուլիսի ժամանակ ասաց Ռոբերտ Քոչարյանը՝ պատասխանելով Մեղրին Արցախի տարածքի հետ փոխանակման հնարավոր տարբերակի մասին հարցին ի պատասխան։
Քոչարյանի ձևակերպմամբ՝ համանախագահողները փորձում էին «ինքնորոշման հարցն ամուսնացել տարածքային ամբողջականության հետ»։
«Այո՛, մենք բանակցում էինք, ես ասում էի՝ մենք չենք կարող կորցնել Իրանի հետ սահմանը։ Պրոցեսն ինքը շահավետ էր մեզ համար։ Ես համոզվածի էի, որ այդ քննարկումները բերելու են մեզ համար ընդունելի տարբերակի։ Ինչո՞ւ եմ համոզված եղել, որովհետև Ալիևը ստանում էր 6 շրջան։ Մեր սեղանին առաջարկ չի դրվել, որ ասենք՝ սա ընդունվում է, սա չի ընդունվում կամ ընդունում ենք վերապահումներով։ Ես ոչ «այո՛» էի ասում, ոչ՝ «ոչ» էի ասում, այլ՝ զգուշավոր»,- հավելեց Քոչարյանը՝ խոսելով Մեղրիի փոխանակման ծրագրից։
Ռոբերտ Քոչարյանը պնդեց, որ բանակցությունների ընթացքից Վազգեն Սարգսյանը տեղյակ է եղել։
«Վազգեն Սարգսյանը տեղյակ էր բոլոր մանրամասներով, որևէ լուծում հնարավոր չէր իրականացնել առանց Վազգեն Սարգսյանի։ Սա սարքել են մատի փաթաթան, անլո՛ւրջ է այս ամենը։ Ինչի՞ համար է այս թեման տաքացել հիմա, կա միջանցքի կամ ճանապարհի հարց։ Այսօր ՀՀ իշխանութունները ցանկանում են այդ զիջումն անել կամ հայտարարել՝ ես ի՞նչ կապ ունեմ, այն ժամանակ, եթե դա քննարկված չլիներ, այդ թեման գոյություն չէր ունենա»,- եզարափակեց նա։
Մանրամասները՝ տեսանյութում։
