18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Չարտոնված քանդման աշխատանքներ են իրականացվել. անթույլատրելի են գողեգող արված միջամտությունները. Ավինյան. ՏԵՍԱՆՅՈՒԹ
Քաղաքականություն
17.02.2025 | 10:02
«Ամիրյան, Քոչինյան և Զաքյան փողոցներն անցած տարի ամբողջությամբ ասֆալտապատվել էին, նաև միջին նորոգման աշխատանքներ էին կատարել, բայց նախորդ ամիս պարզվել է, որ տարածքում չարտոնված ասֆալտբետոնե ծածկի աշխատանքներ են կատարվել, հավանաբար, գիշերային ժամերին: Չարտոնված լինելուց բացի, նաև անորակ աշխատանք է կատարվել»,- այս մասին Երևանի քաղաքապետարանի գործակարգավարական խորհրդակցության ժամանակ ասաց փոխքաղաքապետ Լևոն Հովհաննիսյանը։
««Կանաչապատում և շրջակա միջավայրի պահպանություն» ՀՈԱԿ-ի գործընկերներին խնդրեցի, որպեսզի իրականացնեն քանդման աշխատանքներ»,- ասաց Լևոն Հովհաննիսյանը՝ նշելով, որ այսուհետ նման դեպքեր արձանագրելիս դիմելու են ոստիկանություն։
Երևանի քաղաքապետ Տիգրան Ավինյանը համաձայնեց իր տեղակալի հետ, ընդգծեց, որ անթույլատրելի են այդ միջամտությունները։
«Ե՛վ Զաքյան, և՛ Ամիրյան փողոցներում միջին նորոգման աշխատանքներ են արվել, և անթույլատրելի է դառնում որևէ տեսակի միջամտություն այդտեղ, նամանավանդ՝ առանց թույլտվության, նամանավանդ՝ գիշերով, գողեգող, և այդտեղ, այո՛, համապատասխան միջոցներ պետք է ձեռնարկենք»,- նշեց Ավինյանը։
Մանրամասները՝ տեսանյութում։
