06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
ԱՄՆ պատվիրակությունը մեկնում է Սաուդյան Արաբիա՝ բանակցություններ վարելու ուկրաինական հակամարտության կարգավորման շուրջ
Քաղաքականություն
16.02.2025 | 22:15
Սպիտակ տան Մերձավոր Արևելքի հարցերով բանագնաց Սթիվ Ուիթքոֆը հայտարարել է, որ պատրաստվում է մեկնել Սաուդյան Արաբիա՝ Ազգային անվտանգության խորհրդական Մայք Ուոլցի հետ՝ բանակցություններ վարելու Ուկրաինայի դեմ պատերազմին վերջ տալու վերաբերյալ․ փոխանցում է Reuters-ը։
Ֆոքս Նյուզին տված հարցազրույցում Ուիթքոֆը նշել է, որ այդ հանդիպումները տեղի կունենան Թրամփի հանձնարարությամբ։
«Այսօր երեկոյան մեկնում եմ։ Կլինեմ ազգային անվտանգության խորհրդականի հետ։ Հուսով եմ՝ կկարողանանք իրական առաջընթաց գրանցել»,- ասել է Ուիթքոֆը։
Սաուդյան Արաբիայում կայանալիք բանակցությունները կլինեն վերջին տարիների ընթացքում ռուս և ամերիկացի պաշտոնյաների միջև առաջին բարձր մակարդակի անձնական քննարկումներից մեկը, և նախատեսվում է նախորդել ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի հանդիպմանը:
