24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ 14 նահանգների դատախազները հայց են ներկայացրել Մասկի և Թրամփի դեմ
Քաղաքականություն
14.02.2025 | 21:44
ԱՄՆ-ում 14 նահանգների դեմոկրատ գլխավոր դատախազների խումբը պնդում է, որ Սպիտակ տան կողմից Իլոն Մասկին և նրա Խորհրդատվական կառավարության արդյունավետության դեպարտամենտին (DOGE) տրված լիազորությունները հակասահմանադրական են: Այս մասին հայտնում է NBC News-ը։
«Այս երկրի հիմնադիրները վրդովված կլինեին, որ 250 տարի անց, երբ մեր ժողովուրդը տապալեց իր թագավորին, այս երկրի ժողովուրդը, որոնցից շատերը կռվեցին և զոհվեցին՝ պաշտպանելով մեր ազատությունները, այժմ ենթարկվում են չընտրված մեկ միլիարդատիրոջ քմահաճույքին»,- ասել է Արիզոնայի գլխավոր դատախազ Քրիս Մեյսը:
Դատախազները պնդում են, որ Թրամփը խախտել է Սահմանադրությունը՝ ստեղծելով DOGE-ը՝ ոչ ֆորմալ կառավարական գործակալությունը, առանց Կոնգրեսի հավանության և Մասկին տալով «լայն լիազորություններ»՝ առանց Սենատի խորհուրդներն ու համաձայնությունը ստանալու:
«Նախագահ Թրամփը գործնականում չստուգված լիազորություններ է փոխանցել Մասկին՝ առանց Կոնգրեսի համապատասխան թույլտվության և առանց նրա գործունեության նկատմամբ զգալի վերահսկողության», – ասվում է հայցի մեջ։
Դատախազները պահանջում են արգելել Մասկին փոփոխություններ կատարել պետական ֆինանսավորման մեջ, չեղարկել պայմանագրերը, կադրային որոշումներ կայացնել և այլն:
Թարգմանությունը՝ Տաթև Ֆռանգյանի
