08.04.2025 | 13:09
ԿԳՄՍՆ-ում քննարկվել է միջնաժամկետ ծախսային ծրագիրը
Զախարովան հայտարարել է, որ ՌԴ-ի և Ադրբեջանի միջև սեպ խրելու փորձերը դատապարտված են ձախողման
Քաղաքականություն
14.02.2025 | 18:50
Ադրբեջանական AZAL ավիաընկերության ինքնաթիռի ողբերգությունն օգտագործելու փորձերը՝ Ռուսաստանի և Ադրբեջանի հարաբերությունները վատացնելու համար, դատապարտված են ձախողման։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։
«Մենք շատ լավ հասկանում ենք, որ ողբերգությունը, որը տեղի ունեցավ ավիավթարի հետ կապված, խլել է ինչպես Ադրբեջանի քաղաքացիների, այնպես էլ մեր երկրի քաղաքացիների կյանքը, շատ սուր են վերապրում թե՛ այնտեղ, թե՛ այստեղ։ Մենք հասկանում ենք, որ այս ամենը տեղի չի ունենում վակուումում, որ շատերն ուզում են ինչ-որ բախտ որսալ դրանում, դա չի հաջողվի, քանի որ նման ընդհանուր պատմություն և պատասխանատվության տարածք ունեցող ժողովուրդների և երկրների միջև սեպ խրելու փորձերը, ներառյալ՝ տարածաշրջանային պատասխանատվությունը, զարգացման նման հեռանկարները դատապարտված են ձախողման»,- ասել է նա։
Զախարովայի խոսքով՝ Մոսկվան մտահոգված է Ռուսաստանի և Ադրբեջանի միջև հարաբերությունների շուրջ տեղեկատվական արշավով, որը հեղեղում է լրատվական տարածքը։
«Ակնհայտորեն, այն ինչ-որ մեկի կողմից դրդվում է։ Կարծում եմ, որ հարաբերությունների գոյություն ունեցող բնույթից մյուսին անցնելու այս բոլոր փորձերը դատապարտված կլինեն ձախողման։ Մեր փոխգործակցության մակարդակը, մեր ժողովուրդների իմաստությունը թույլ կտան մեզ հաղթահարել նաև այս մարտահրավերը»,- հայտարարել է ՌԴ ԱԳՆ ներկայացուցիչը։
Թարգմանությունը՝ Էմմա Չոբանյանի
