21.01.2026 | 23:30
Ինչ իրավիճակ է Հայաստանի ճանապարհներին և Լարսում
Արման Թաթոյանը՝ Արցախի ՄԻՊ-ի հրաժարականի մասին. ՏԵՍԱՆՅՈՒԹ
Քաղաքականություն
27.09.2018 | 13:20
Արցախի Մարդու իրավունքների պաշտպանի հետ մեր աշխատանքի և նրա ջանքերի շնորհիվ էր, որ մենք կարողացանք նոր որակի վրա դնել իրավապաշտպան աշխատանքը և ցույց տալ, որ տարածքի քաղաքական կարգավիճակը չպետք է ոչ մի նշանակություն ունենա իրավունքների պաշտպանության համար: Այս մասին այսօր՝ ՀՀ կառավարության նիստից հետո լրագրողների հետ ճեպազրույցում ասաց Հայաստանի Մարդու իրավունքների պաշտպան Արման Թաթոյանը՝ անդրադառնալով օրերս հրաժարական ներկայացրած Արցախի ՄԻՊ Ռուբեն Մելիքյանի մասին հարցին:
«Եվ հիմա այն մեծ ընդգրկվածությունը, որ նաև Արցախի ՄԻՊ-ի աշխատանքի շնորհիվ էր, որ ունենք միջազգային ասպարեզում, շատ կարևոր է: Իրավունքների պաշտպանությունը միշտ առաջնային է, որովհետև այնտեղ էլ կան երեխաներ, կանայք, հաշմանդամություն ունեցող մարդիկ և այլն: Այդ առումով ցավում եմ, որ միջազգային կազմակերպությունները դրսևորում են միակողմանի վերաբերմունք և մարդու իրավունքների պաշտպանության տեսանկյունից պատշաճ գնահատականի չեն արժանացնում այդ հարցերը»,- հավելեց Արման Թաթոյանը:
Անդրադառնալով Արցախի օմբուդսմենի պաշտոնից հրաժարականի պատճառի մասին հարցին՝ Արման Թաթոյանն ասաց՝ ճիշտ է այդ հարցն իրեն՝ Ռուբեն Մելիքյանին ուղղել:
Մանրամասները՝ տեսանյութում:
