08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պենտագոնի ղեկավարը հնարավոր է համարել ապագայում ՆԱՏՕ-ին Ուկրաինայի անդամակցությունը
Քաղաքականություն
14.02.2025 | 15:33
Ուկրաինայի անդամակցությունը Հյուսիսատլանտյան դաշինքին (ՆԱՏՕ) ներկայում քիչ հավանական է, բայց տեսականորեն հնարավոր է ապագայում։ Այս մասին հայտարարել է ամերիկյան Պենտագոնի ղեկավար Փիթ Հեգսեթը։ Նրա խոսքով՝ ՆԱՏՕ-ին Կիևի անդամակցությունն այս փուլում չի կարող դիտարկվել, քանի որ առանց դրա հնարավոր չի լինի խաղաղ ճանապարհով լուծել ռուս-ուկրաինական հակամարտությունը։
«ՆԱՏՕ-ին [Ուկրաինայի] անդամակցելը քիչ հավանական է՝ հաշվի առնելով այն իրողությունները, որում մենք հայտնվել ենք»,- ասել է Հեգսեթը Breitbart News-ին տված հարցազրույցում:
«Եթե դուք ցանկանում եք բանակցային խաղաղություն, ցանկանում եք հրադադար, ցանկանում եք երկարատև խաղաղության հնարավորություն, դա իրականում այժմ չի դիտարկվում», – ընդգծել է ԱՄՆ պաշտպանական գերատեսչության ղեկավարը։
Փետրվարի 12-ին Բրյուսելում Ուկրաինայի պաշտպանության կոնտակտային խմբի հանդիպման ժամանակ Փիթ Հեգսեթը անիրատեսական նպատակ է անվանել Ուկրաինայի վերադարձը մինչև 2014 թվականի սահմաններին և Կիևի անդամակցությունը ՆԱՏՕ-ին:
Թարգմանությունը՝ Տաթև Ֆռանգյանի
