08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԱՄՆ դատարանը կասեցրել է արտաքին օգնության սառեցման մասին Թրամփի հրամանը
Քաղաքականություն
14.02.2025 | 14:51
ԱՄՆ դաշնային դատավորը կարգադրել է ժամանակավորապես կասեցնել ԱՄՆ նախագահ Դոնալդ Թրամփի հրամանը՝ 90 օրով սառեցնել այլ երկրների օգնության ծրագրերը, հայտնում է ABC News-ը։
Դաշնային դատավոր Ամիր Ալին համաձայնել է հայցը ներկայացրած մարդասիրական խմբերի հետ, որոնք ասում են, որ օգնության դադարեցումն «աղետալի ազդեցություն կունենա մարդասիրական առաքելությունների վրա»: Նա նշել է, որ այլ երկրներին 90 օրով օգնությունը դադարեցնելու մասին հրամանը «վրդովմունքի ալիք է առաջացրել և վնաս է հասցրել գործարար կառույցներին, շահույթ չհետապնդող կազմակերպություններին և այլ կազմակերպություններին»։
Միևնույն ժամանակ, ըստ դատավորի, կազմակերպությունների աշխատանքը վերանայելու մեջ վատ բան չկա, բայց նա չի հասկանում, թե «ինչի համար է պահանջվել աջակցության ծրագրերի այդքան արագ և զանգվածային սառեցումը»։
Հունվարին Վաշինգտոնը 90 օրով դադարեցրել է ամբողջ արտաքին օգնությունը՝ վերանայելու դրա արդյունավետությունը և համապատասխանությունը ԱՄՆ քաղաքականությանը:
Ավելի ուշ Թրամփի վարչակազմը մեղմացրել է օտարերկրյա օգնության սառեցման հրամանը և թույլ է տվել շարունակել կենսական հումանիտար օգնությունը:
Թարգմանությունը՝ Տաթև Ֆռանգյանի
