30.04.2026 | 10:39
Նավթի գներն աճել են
Ռուս դիվանագետը Ռումինիայի ԱԳՆ է կանչվել՝ ԱԹՍ-ի կողմից օդային տարածքը խախտելու պատճառով
Քաղաքականություն
14.02.2025 | 13:28
ՌԴ դեսպանատան գործերի ժամանակավոր հավատարմատարը կանչվել է Ռումինիայի ԱԳՆ, նրան է փոխանցվել Բուխարեստի դիրքորոշումը հանրապետության օդային տարածքի խախտումների վերաբերյալ, հաղորդում է Ինտերֆաքսը։
«Ռումինիան խստորեն դատապարտում է ռուսական ռազմական անօդաչու թռչող սարքերի կողմից ազգային օդային տարածքի կրկնակի խախտումը»,- ասվում է Ռումինիայի ԱԳՆ հայտարարությունում։
Ռուսաստանի դեսպանատան ներկայացուցչին հայտնել են, որ «Ռումինիան իրեն իրավունք է վերապահում անհրաժեշտ պատասխան միջոցներ ձեռնարկել միջազգային իրավունքի այս կոպտագույն խախտման դեմ»։
Ըստ Ռումինական ռադիոյի՝ փետրվարի 13-ին պայթուցիկներով բեռնված ռուսական երկու անօդաչու թռչող սարքեր խախտել են Ռումինիայի օդային տարածքը և կործանվել Ուկրաինայի հետ սահմանի մոտ գտնվող ռումինական տարածքում։
Թարգմանությունը՝ Տաթև Ֆռանգյանի
