08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ պետքարտուղարի ինքնաթիռը Մյունխեն թռչելիս անսարքության պատճառով վերադարձել է Վաշինգտոն
Քաղաքականություն
14.02.2025 | 11:29
Ինքնաթիռը, որում եղել են ԱՄՆ պետքարտուղար Մարկո Ռուբիոն և Սենատի արտաքին հարաբերությունների հանձնաժողովի նախագահ Ջիմ Ռիշը, որոնք մեկնում էին Մյունխենի անվտանգության համաժողովին, տեխնիկական խնդիրների պատճառով վերադարձել է Վաշինգտոնի մոտ գտնվող ավիաբազա, հայտնում է Associated Press-ը (AP):
«Ինքնաթիռը վերադառնում է Էնդրյուս ռազմաօդային բազա»,- ասել է Պետքարտուղարության խոսնակ Թեմմի Բրյուսը։
Նա պարզաբանել է, որ ինքնաթիռը բախվել է «մեխանիկական խնդրի», «պետքարտուղարը մտադիր է այլ ինքնաթիռով շարունակել ուղևորությունը Գերմանիա և Մերձավոր Արևելք»։
Պետքարտուղարությունը նախօրեին հայտարարել էր, որ Ռուբիոն Մյունխենում G7-ի արտգործնախարարների հանդիպումից հետո կայցելի Մերձավոր Արևելքի երկրներ։
Փետրվարի 15-18-ը նա կայցելի Իսրայել, Սաուդյան Արաբիա և ԱՄԷ, «քարտուղար Ռուբիոյի շփումը բարձրաստիճան պաշտոնյաների հետ կխթանի ԱՄՆ-ի շահերը տարածաշրջանային համագործակցության, կայունության և խաղաղության խթանման գործում», հայտնել է Պետքարտուղարությունը:
Թարգմանությունը՝ Տաթև Ֆռանգյանի
