10.08.2026 | 10:03
4 խաղափուլից հետո երեք հայ շախմատիստ առաջատարների շարքում է. Եվրոպայի Մ20 առաջնություն
Ռյուտեն հայտարարել է, որ Կիևին չեն խոստացել ՆԱՏՕ-ին անդամակցություն հակամարտության ավարտից հետո
Քաղաքականություն
13.02.2025 | 22:31
ՆԱՏՕ-ն երբեք չի խոստացել, որ Ուկրաինան կդառնա դաշինքի անդամ ուկրաինական հակամարտության ավարտից հետո, հայտարարել է կազմակերպության գլխավոր քարտուղար Մարկ Ռյուտեն։
«Վաշինգտոնում ՆԱՏՕ-ի երկրները հայտարարեցին իրենց հավատարմությունը դաշինքին Ուկրաինայի ապագա անդամակցությանը, սակայն երբեք պայմանավորվածություն չի եղել, որ երբ սկսվեն խաղաղության բանակցությունները, դրանք կավարտվեն ՆԱՏՕ-ին Ուկրաինայի անդամակցությամբ»,- ասել է նա մամուլի ասուլիսի ժամանակ։
Ռյուտեն հավելել է, որ անդամակցությունը «կարող է տարբերակ լինել», սակայն երբեք հստակ պայմանավորվածություն չի եղել այս հարցում։
Մեկնաբանելով ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի շփումները՝ Ռյուտեն նշել է, որ ՆԱՏՕ-ի պաշտպանության նախարարները Բրյուսելում հանդիպման ժամանակ «ի գիտություն են ընդունել» այս նախաձեռնությունը։
Հիշեցնենք, որ 2024 թվականի հուլիսին ՆԱՏՕ-ի գագաթնաժողովի մասնակիցները հաստատեցին, որ կհրավիրեն Ուկրաինային միանալ դաշինքին, երբ հարմար պահը լինի՝ հավելելով, որ իրենք այդ գործընթացը համարում են անշրջելի։
Թարգմանությունը՝ Տաթև Ֆռանգյանի
