10.08.2026 | 12:11
ԱԺ-ում Արամ Վարդևանյանի ընտրության հարցով քվեարկություն է // Ջերմաստիճանը մինչև 5 աստիճանով կնվազի․ ԼՈՒՐԵՐ
Եվրախորհրդարանը կոչ է անում պատժամիջոցներ սահմանել Վրաստանի ղեկավարության դեմ՝ «ժողովրդավարությունից շեղվելու» համար
Քաղաքականություն
13.02.2025 | 21:13
Եվրախորհրդարանի (ԵԽ) անդամները բանաձև են ընդունել, որը կոչ է անում անձնական պատժամիջոցներ սահմանել Վրաստանի ղեկավարության դեմ՝ «ժողովրդավարությունից նահանջելու» և «եվրատլանտյան ինտեգրման» ուղուց շեղվելու համար։ Քվեարկությունը տեղի է ունեցել Ստրասբուրգում Եվրախորհրդարանի լիագումար նիստի ժամանակ։
«Մենք կոչ ենք անում ԵՄ խորհրդին և ԵՄ անդամ երկրներին, երկկողմանի և համակարգված կերպով, անհապաղ նպատակաուղղված անձնական պատժամիջոցներ կիրառել [«Վրացական երազանք» կուսակցության հիմնադիր և պատվավոր նախագահ] Բիձինա Իվանիշվիլիի, նրա ընտանիքի և նրա ընկերությունների դեմ, սառեցնել ԵՄ-ում նրա բոլոր ակտիվները՝ Վրաստանում քաղաքական գործընթացի վատթարացման գործում նրա դերի համար, որը նպաստում է երկրի եվրատլանտյան ինտեգրմանը հակազդեցությանը»,- ասված է բանաձևի կետերից մեկում։
Նրանք նաև առաջարկում են Ֆրանսիայի կառավարությանը Իվանիշվիլիին զրկել Պատվո լեգեոնի շքանշանից։ Առաջարկվել է նաև ԵՄ մակարդակով պատժամիջոցներ սահմանել վրացի պաշտոնյաների և քաղաքական առաջնորդների դեմ, որոնք պատասխանատու են «ժողովրդավարությունից նահանջելու համար», ինչպես նաև մի շարք լրատվամիջոցների, իրավապահ մարմինների պաշտոնյաների և տարբեր մակարդակի դատավորների, այդ թվում՝ Վրաստանի Սահմանադրական դատարանի դատավորների նկատմամբ, ովքեր քաղաքական դրդապատճառներով վճիռներ են կայացրել։
Բանաձևին կողմ է քվեարկել 400 պատգամավոր, դեմ՝ 63, ձեռնպահ՝ 81 պատգամավոր։ Եվրախորհրդարանի բանաձևերը խորհրդատվական բնույթ ունեն և պարտադիր չեն ԵՄ կառույցների համար։
Թարգմանությունը՝ Տաթև Ֆռանգյանի
