14.07.2026 | 21:37
Վահագն Խաչատուրյանը մի շարք օրենքներ է ստորագրել
Ցանկության դեպքում՝ Թրամփը կարող է արագ խաղաղության հասնել ՀՀ-ի և Ադրբեջանի միջև․ Ռոբերտ Ղևոնդյան․ ՏԵՍԱՆՅՈՒԹ
Քաղաքականություն
13.02.2025 | 21:00
ԱՄՆ-ի ու Եվրոպայի միջև Ուկրաինայի հարցով լուրջ հակասություններ կան։ Ստեղծված իրավիճակը Եվրոպային թույլ է տալիս մոբիլիզացնել իր ռեսուրսները և համաշխարհային քաղաքականությունում նոր աշխարհաքաղաքական բևեռ դառնալ։ Factor TV-ին տված հարցազրույցում նման կարծիք է հայտնում Անվտանգության քաղաքականության հետազոտական կենտրոնի փորձագետ Ռոբերտ Ղևոնդյանը։
Ցանկացած դեպքում, ըստ ամենայնի, նոր պայմաններում ԱՄՆ-ի համար առաջնահերթն Ասիա-Խաղաղօվկիանոսյան տարածաշրջանն է, հավելում է փորձագետը։
Անդրադառնալով ՀՀ Ազգային ժողովի կողմից Եվրամիությանն անդամակցության գործընթացի մեկնարկի մասին օրենքի նախագծի՝ առաջին ընթերցմամբ ընդունմանը՝ Ղևոնդյանը նշում է, որ այդ օրինագիծն արտացոլում է հայ հասարակությունում հակառուսական տրամադրություններն ու ենթադրում է ապագայում՝ ԵՄ-ի հետ ազատ առևտրի գոտուն միանալուց հետո, Եվրասիական տնտեսական միությունից հեռացում։ Փորձագետը Ռուսաստանից Հայաստանի հեռանալու գործընթացն անշրջելի է համարում։
Ինչ վերաբերում է հայ-ադրբեջանական հարաբերություններին և կարգավորմանը, Ղևոնդյանը կարծում է, որ մի փոքր ջանք ներդնելով՝ ԱՄՆ նախագահ Դոնալդ Թրամփը կարող է հասնել երկու երկրների միջև խաղաղության պայմանագրի ստորագրման։
Հարցազրույցն ամբողջությամբ՝ տեսանյութում։
Սամվել Մելիքսեթյան
