24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ՌԴ-ն Կատարի միջնորդությամբ Ուկրաինային 8 երեխայի է փոխանցել
Քաղաքականություն
13.02.2025 | 17:51
Ռուսաստանը Կատարի միջնորդությամբ ութ ուկրաինացի երեխայի է փոխանցել, գրում է ՏԱՍՍ-ը։
«Մենք ցանկանում ենք, որ նման գործողությունները շարունակվեն: Մենք հույս ունենք, որ մենք կարող ենք շարունակել այս բարեգործական գործունեությունը։Շնորհակալություն ձեր բոլոր օգնության համար: Մենք կշարունակենք մեր համագործակցությունը»,- ասել է Կատարի դեսպանատան երկրորդ քարտուղար Աբդուլրահման Սալեհ Ալ-Կուվարին
ՌԴ նախագահի երեխաների իրավունքների հանձնակատար Մարիա Լվովա-Բելովան լրագրողներին հայտնել է, որ 5-ից 15 տարեկան ութ երեխաներ գնում են Ուկրաինա՝ հարազատների մոտ։
«Պատմությունները շատ տարբեր են: Երեխաների մեծ մասն ապրում էր տատիկների հետ, իսկ հիմա գնում են մայրերի մոտ: Մի դեռահաս տղա տատիկից տեղափոխվում է հոր մոտ։ Եղբայր ու քույլ մոր մահից հետո ապրել են հաստատությունում, բայց բարեբախտաբար, նրանց մորաքույրը, որն ապրում է Ուկրաինայում, խնամել է երեխաներին, և այժմ երեխաները ցանկություն են հայտնել ապրել նրա հետ»,- ասել է նա։
Մարիա Լվովա-Բելովան հայտնել է, որ, ընդհանուր առմամբ, «օգնել են 10 ընտանիքից 15 երեխաների վերամիավորել Ռուսաստանում իրենց հարազատների հետ, իսկ 75 ընտանիքներից 95 երեխաներ վերամիավորվել են Ուկրաինայում և այլ երկրներում իրենց հարազատների հետ»։
Թարգմանությունը՝ Էմմա Չոբանյանի
