19.02.2026 | 21:13
ՀՀ-ին և Ճապոնիային հաջողվել է հետևողականորեն զարգացնել քաղաքական երկխոսությունը. Մհեր Գրիգորյան
Բաքուն և Թբիլիսին կարող են ապրիլին վերսկսել երկաթուղային հաղորդակցությունը
Քաղաքականություն
13.02.2025 | 23:17
Բաքվի և Թբիլիսիի միջև մարդատար երկաթուղային հաղորդակցության, հնարավոր է, ապրիլին վերսկսվի, հաղորդում են ադրբեջանական լրատվամիջոցները։
Արդեն հինգ տարի է՝ Վրաստանից Ադրբեջան և հակառակ ուղղությամբ հասնելու միակ ճանապարհն օդայինն է։ Ադրբեջանը բազմիցս երկարացրել է կորոնավիրուսի համաճարակի պատճառով սահմանված կարանտինը ցամաքային սահմանով հատելու համար, վերջինը՝ մինչև այս տարվա ապրիլի 1-ը։
Հաղորդվում է, որ Վրաստանի և Ադրբեջանի իշխանությունների միջև արդեն ձեռք է բերվել սկզբունքային համաձայնություն Բաքու-Թբիլիսի-Բաքու երկաթուղային հաղորդակցության վերականգնման վերաբերյալ։
«Վրացական երկաթուղիներ» ընկերությունը դեռևս չի մեկնաբանել այս լուրերը։ Այս փուլում գնացքների երթևեկի հստակ ժամկետներ կամ տոմսերի գներ չկան:
Մինչ համաճարակը Ադրբեջանական երկաթուղիները գործարկել են արագընթաց գնացքներով Թբիլիսի ուղևորափոխադրումներ՝ ֆրանսիական Alstom Transportation S.A ընկերության Prima M4 լոկոմոտիվներով։ Այժմ դրանք կիրականացվեն շվեյցարական Stadler գնացքներով։
Թարգմանությունը՝ Տաթև Ֆռանգյանի
