08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Կրեմլը հայտարարել է Պուտինի և Թրամփի հրատապ հանդիպման անհրաժեշտության մասին
Քաղաքականություն
13.02.2025 | 14:24
ՌԴ նախագահի մամուլի քարտուղար Դմիտրի Պեսկովը հայտարարել է, որ ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի հանդիպման բավականին օպերատիվ կազմակերպման անհրաժեշտություն կա, ղեկավարները խոսելու բաներ ունեն, փոխանցում է ՌԻԱ Նովոստին։
«Նման հանդիպման բավական արագ անցկացման անհրաժեշտությունը միանշանակ կա. պետությունների ղեկավարները խոսելու շատ բան ունեն: Օրակարգում կան բազմաթիվ թեմաներ, որոնք հակիրճ շարադրվել են երեկվա հեռախոսազրույցի ժամանակ, սակայն ժամկետների մասին դեռևս անհնար է խոսել, քանի որ աշխատանքը կսկսվի միայն այս օրերին»,- ասել է Պեսկովը՝ պատասխանելով երկկողմ հանդիպման ժամկետների մասին լրագրողների հարցին։
Հիշեցնենք, որ Ռուսաստանի և Միացյալ Նահանգների նախագահները չորեքշաբթի հեռախոսազրույց են ունեցել, որը տևել է գրեթե մեկուկես ժամ։
Թարգմանությունը՝ Տաթև Ֆռանգյանի
