09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Պուտինը պետք է հասկանա, որ այլևս չի կարողանա գրավել Ուկրաինայի ոչ մի կտոր․ ՆԱՏՕ-ի գլխավոր քարտուղար
Քաղաքականություն
13.02.2025 | 13:31
Բրյուսելում՝ ՆԱՏՕ-ի կենտրոնակայանում, այսօր Ուկրաինայի դաշնակից երկրների պաշտպանության նախարարների հանդիպում է անցկացվում։ Դրանից առաջ լրագրողների հետ զրույցում ՆԱՏՕ-ի գլխավոր քարտուղար Մարկ Ռյուտեն ասել է, որ երեկ «շատ բան» է տեղի ունեցել, գրում է BBC-ի ռուսական ծառայությունը։
Մեկնաբանելով Պենտագոնի ղեկավար Փիթ Հեգսեթի երեկվա հայտարարությունները, թե անիրատեսական է ամբողջությամբ վերադարձնել Ուկրաինայի կողմից կորցրած հողերը, Ռյուտեն նախընտրել է կենտրոնանալ «տևական խաղաղության» անհրաժեշտության մասին նրա ասածների վրա։
«Պուտինը պիտի հասկանա, որ սա վերջն է։ Որ նա այլևս չի կարողանա գրավել Ուկրաինայի ոչ մի կտոր»,- ասել է ՆԱՏՕ-ի գլխավոր քարտուղարը։
Նա ասել է, որ ՆԱՏՕ-ն ցանկանում է Ուկրաինային դնել ձեռնտու իրավիճակում։ Ռյուտեն, սակայն, չի հստակեցրել, թե ինչպիսին կարող է լինել այդ դիրքորոշումը՝ հաշվի առնելով Հեգսեթի և ԱՄՆ նախագահ Դոնալդ Թրամփի հայտարարությունները։
Ռյուտեն, միաժամանակ, չի համաձայնել լրագրողներից մեկի դիտարկմանը, թե տեղի ունեցողն Ուկրաինային «դավաճանության» սկիզբ է՝ շեշտելով, որ ԱՄՆ նախագահ Դոնալդ Թրամփը երեկ զրուցել է ոչ միայն Պուտինի, այլև Ուկրաինայի նախագահ Վլադիմիր Զելենսկիի հետ։
BBC-ի այն հարցին՝ արդյո՞ք ԱՄՆ պաշտպանության նախարարի հռետորաբանությունը կարող էր վնասել դաշինքին, նա պատասխանել է․ «Հեգսեթի ելույթը և Վաշինգտոնից ստացված լուրերն ակնհայտորեն կարևոր հայտարարություններ էին: Դա այն մասին է, ինչպես պետք է աշխատի դաշինքը։ Մենք ժողովրդավարական երկրների դաշինք ենք, մեզ մոտ պետք է բանավեճեր լինեն»։
Թարգմանությունը՝ Էմմա Չոբանյանի
