30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Հորդորում եմ ՊԲ հրամանատարի կարգավիճակ ունեցող անձին արձագանքել արցախցիների չկռվելու մասին խոսքերին․ Տիգրան Աբրահամյան․ ՏԵՍԱՆՅՈՒԹ
Քաղաքականություն
13.02.2025 | 12:39
«Պատիվ ունեմ» խմբակցության քարտուղար Տիգրան Աբրահամյանը մտահոգիչ է համարում Արցախի պաշտպանության բանակի նախկին հրամանատար Կամո Վարդանյանի պահվածքն՝ այն հայտարարությունների ֆոնին, որ կարելին էր մնալ Արցախում և պայքարել։
«Ես մի քանի ամիս առաջ էլ առիթ ունեցել եմ իրեն անդրադառնալու և ուզում եմ շատ անվանական անդրադառնալ: Եթե չեմ սխալվում, Կամո Վարդանյանը ներկայումս գլխավոր շտաբի պետի խորհրդականի պաշտոնն է զբաղեցնում և իր լռությունը, հատկապես իր պաշտոնը ստանձնելուց հետո, տեղի ունեցած իրադարձությունների վերաբերյալ ինձ համար բավականին մտահոգիչ է։ Եթե իրականում պաշտպանության բանակը մարտ վարած չլիներ և մարտական խնդիրներ լուծած չլիներ, ապա այս տեսանկյունից տարօրինակ է, չէ՞, դիտվում այն հանգամանքը, որ պաշտպանության բանակի հրամանատարական կազմի մեծ թվով ներկայացուցիչներն այս պահին էլ ծառայություն են շարունակում պաշտպանության նախարարությունում կամ զինված ուժերի գլխավոր շտաբում»,- ասաց պատգամավորը:
Ընդդիմադիր խմբակցության պատգամավորը հորդորեց սեպտեմբերի 19-ի 23 թթ․ պաշտպանության բանակի հրամատարի կարգավիճակում գտնվող անձին հրապարակային հիմնավորումներ տալու, արձագանքելու և իրավիճակը ներկայացնելու։
«Ես որևէ ձևի, որևէ մեկին հանգիստ չեմ թողնի և թույլ չեմ տա, որպեսզի պաշտպանության բանակի մարտական ուղին, անցած ճանապարհը, մեր նահատակների սխրանքները որևէ մեկը գցի ջուրը»,- նշեց նա:
Մանրամասները՝ տեսանյութում։
