08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ ռազմական ծախսերը գերազանցել են եվրոպական բոլոր երկրների պաշտպանական բյուջեները միասին վերցրած. FT
Քաղաքականություն
13.02.2025 | 14:35
Ռուսաստանի ռազմական ընդհանուր ծախսերը 2024 թվականին աճել են 42 տոկոսով՝ հասնելով 13,1 տրիլիոն ռուբլու, ինչը համարժեք է 462 մլրդ դոլարի։ Այս մասին գրում է Financial Times-ը՝ վկայակոչելով Բրիտանական ռազմավարական հետազոտությունների միջազգային ինստիտուտի (IISS) տվյալները, փոխանցում է Meduza-ն:
Լրատվամիջոցն ընդգծում է, որ Ռուսաստանի ռազմական ծախսերը գերազանցել են ԵՄ բոլոր երկրների և Մեծ Բրիտանիայի պաշտպանական բյուջեները միասին վերցրած։ Նրանց ընդհանուր պաշտպանական ծախսերը 2024 թվականին աճել են 12%-ով՝ հասնելով 457 միլիարդ դոլարի:
Ըստ IISS-ի կանխատեսումների՝ 2025 թվականին Ռուսաստանի ռազմական ծախսերը կաճեն 13,7 տոկոսով՝ հասնելով 15,6 տրլն ռուբլու։
Եվրոպայում պաշտպանության վրա ամենաշատը ծախսել են Գերմանիան (86 միլիարդ դոլար), Մեծ Բրիտանիան (81 միլիարդ դոլար) և Ֆրանսիան (64 միլիարդ դոլար): Տոկոսային արտահայտությամբ ամենաբարձրը Էստոնիայի (ՀՆԱ-ի 4%-ը) և Լեհաստանի (ՀՆԱ-ի 3,25%-ը) ցուցանիշներն են, բայց նրանց բացարձակ ծախսերի ծավալը փոքր է Եվրոպայի երեք խոշորագույն տնտեսությունների ծավալից՝ համապատասխանաբար 1,7 միլիարդ դոլար և 28 միլիարդ դոլար:
Թարգմանությունը՝ Էմմա Չոբանյանի
