30.04.2026 | 11:33
Խաբիբ Նուրմագոմեդովը հերքել է Արման Ծառուկյանի ասածը
Իսրայելը կարող է հարձակվել Իրանի միջուկային օբյեկտների վրա 2025 թվականին. WSJ
Քաղաքականություն
13.02.2025 | 13:12
Ջո Բայդենի նախագահության վերջին շաբաթներին ԱՄՆ հետախուզությունն իմացել է, որ Իսրայելը դիտարկում է այս տարի Իրանի միջուկային օբյեկտներին հարվածելու հնարավորությունը, հաղորդում է The Wall Street Journal-ը (WSJ)՝ վկայակոչելով զեկույցին ծանոթ պաշտոնյաներին:
WSJ-ի աղբյուրները կարծում են, որ Իսրայելն ԱՄՆ-ի ռազմական աջակցության կարիքը կունենա Իրանի «խիստ ամրացված» միջուկային օբյեկտներին հարվածելու համար։ Զեկույցում ասվում է, որ Իսրայելը կդրդի Դոնալդ Թրամփի նոր վարչակազմին՝ աջակցելու հարվածներին: Ինքը՝ Թրամփը, նախկինում հրաժարվել էր Իրանի վրա հարձակումներից՝ ասելով, որ ցանկանում է Թեհրանի հետ ոչ միջուկային համաձայնության հասնել:
Դեռևս 2024 թվականի նոյեմբերին Իսրայելի պաշտպանության նախարար Իսրայել Կացը հայտարարել էր. «Իրանն ավելի, քան երբևէ խոցելի է իր միջուկային օբյեկտների վրա հարձակումների նկատմամբ։ Մենք հնարավորություն ունենք հասնել մեր ամենակարևոր նպատակին՝ կանխել և վերացնել Իսրայել պետության գոյության սպառնալիքը»։
ԱՄՆ Ազգային անվտանգության խորհրդի խոսնակը հայտնել է, որ կառավարությունը չի մեկնաբանի հետախուզության բացահայտումները: Իսրայելցի զինվորականները նույնպես հրաժարվել են մեկնաբանել WSJ-ի տեղեկությունը:
Իսրայելի վարչապետ Բենիամին Նեթանյահուի գրասենյակը չի պատասխանել մեկնաբանության խնդրանքին։
Թարգմանությունը՝ Տաթև Ֆռանգյանի
