13.04.2026 | 20:33
Թրամփը սպառնում է ոչնչացնել իրանական նավերը, որոնք կփորձեն հատել Հորմուզը՝ ԱՄՆ ռազմածովային ուժերի շրջափակման ֆոնին
Եթե Ձեր հայրիկն ինձ հետ բանավիճելու բան չունի, ես Ձեզ հետ ընդհանրապես չունեմ․ Փաշինյանը՝ Լևոն Քոչարյանին․ ՏԵՍԱՆՅՈՒԹ
Քաղաքականություն
12.02.2025 | 18:18
«Դեռ պետք է պարզել՝ խոսակցություններից որոնք են ճղճիմ, որոնք՝ ոչ»,- այս մասին ԱԺ-Կառավարություն հարցուպատասխանի ժամանակ ասաց ՀՀ վարչապետ Նիկոլ Փաշինյանը՝ պատասխանելով «Հայաստան» խմբակցության պատգամավոր Լևոն Քոչարյանի հարցին, թե պատրա՞ստ է Ալեն Սիմոնյանի ասածների համար ներողություն խնդրել։ Վարչապետը կարծիք հայտնեց, որ պատգամավորի տված հարցում շատ փաստական սխալներ կան։
«Հիմա այդ փաստական սխալներին որ անդրադառնամ, կարող է պարզվի՝ ներողություն խնդրելու անհրաժեշտություն Դուք ունեք։ Բայց ես նման բան Ձեզնից չեմ ակնկալում, որովհետև անիմաստ է նման բան Ձեզնից ակնկալելը»,- ասաց Փաշինյանը։
Փաշինյանը նաև հիշեցրեց, որ նախկին 3 նախագահի հետ բանավեճի իր առաջարկին Ռոբերտ Քոչարյանի որդի Լևոնի Քոչարյանն էր պատասխանել՝ ասելով, որ բանավիճելու բան չունեն։
«Վերջը, բանավիճելու բան ունե՞ք, թե՞ չունեք։ Եթե Ձեր հայրիկն ինձ հետ բանավիճելու բան չունի, ես Ձեզ հետ բանավիճելու բան ընդհանրապես չունեմ։ Մի հատ հայրիկին այսօր երեկոյան հարցրեք՝ ամեն դեպքում կա՞ բանավիճելու բան, թե՞ չկա։ Թող հայրիկն էլ զանգի իր գործընկերներին, որ 2021թ. ընտրություններից առաջ միավորվել էին, որ միասնական ճակատով հանդես գան»,- հայտարարեց Փաշինյանը։
Մանրամասները՝ տեսանյութում։
