08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՆԱՏՕ-ի գլխավոր քարտուղարն աջակցում է Ուկրաինայում եվրոպական և ամերիկյան ներդրումները «հավասարեցնելու»՝ Թրամփի գաղափարը
Քաղաքականություն
12.02.2025 | 20:36
ՆԱՏՕ-ի գլխավոր քարտուղար Մարկ Ռյուտեն համաձայն է Դոնալդ Թրամփի այն հայտարարության հետ, որ ԱՄՆ-ի ու եվրոպական երկրների ծախսերը Ուկրաինային օգնության համար ապագայում պետք է հավասարեցվեն։ Այս մասին նա հայտարարել է փետրվարի 12-ին Բրյուսելում ՆԱՏՕ-ի կենտրոնակայանում Ուկրաինայի պաշտպանության կոնտակտային խմբի նիստի մեկնարկից առաջ։
«Մենք պետք է շատ ավելին անենք, որպեսզի ունենանք այն, ինչ պետք է զսպելու և պաշտպանելու համար: Եվ որպեսզի լինի բեռի ավելի արդար բաշխում [Ուկրաինային տրվող ֆինանսական աջակցության]»,- ասել է Ռյուտեն, փոխանցում է AFP-ն։
Նա Ուկրաինային արդեն հատկացված օգնությունն անվանել է «մեծ քայլ այն ուղղությամբ, ինչի կոչ է արել նախագահ Դոնալդ Թրամփը»։
«Ես համաձայն եմ նրա [Դոնալդ Թրամփի] հետ, որ մենք պետք է հավասարեցնենք Ուկրաինային տրամադրվող անվտանգության օգնությունը»,- ասել է Ռյուտեն։
Ավելի վաղ ԱՄՆ նախագահ Դոնալդ Թրամփը պնդել էր, որ եվրոպական երկրները պետք է մեծացնեն Ուկրաինային հատկացվող ֆինանսական օգնության չափաբաժինը։ Փետրվարի 3-ին ելույթ ունենալով Սպիտակ տանը՝ ամերիկացի առաջնորդն ասել է. «Մենք Ուկրաինային օգնության համար գրեթե 200 միլիարդ դոլար ավելի շատ ենք ներդրել, քան Եվրոպան։ Նրանք պետք է գոնե նույնքան վճարեն, իսկ իրականում՝ շատ ավելին»։
Թարգմանությունը՝ Տաթև Ֆռանգյանի
