08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՌԴ փոխվարչապետը hայտարարել է, որ ադրբեջանական գազի տարանցումը դեպի Եվրոպա չի քննարկվում
Քաղաքականություն
12.02.2025 | 23:03
Ռուսաստանը և Ադրբեջանը դեռևս չեն բանակցում Ուկրաինայի գազափոխադրման համակարգով Եվրոպա գազի սվոփ մատակարարումների շուրջ։ Այս մասին հայտարարել է ՌԴ փոխվարչապետ Ալեքսանդր Նովակը, գրում է ԼԵՆՏԱ-ն։
2025 թվականին ավարտվել է «Գազպրոմ»-ի և Ուկրաինայի «Նավթոգազ»-ի միջև Ուկրաինայի տարածքով Եվրոպա գազի տարանցման երկարաժամկետ պայմանագրի ժամկետը։ Կիևը հայտնել էր, որ համաձայնագիրը չի երկարաձգելու։
Արդյունքում դադարեցվել են տարեկան 15 միլիարդ խորանարդ մետր ծավալով ռուսական գազի մատակարարումները, որի հասցեատերերն էին Ավստրիան և Սլովակիան։ Ավստրիան խզել է «Գազպրոմի» հետ պայմանագիրը։
Սլովակիան, ինչպես նաև Հունգարիան, շահագրգռված են շարունակել ստանալ ռուսական գազ։ Վիճահարույց իրավիճակի լուծման տարբերակներից մեկն էլ Կիևի հետ տարանցման պայմանագիր կնքելու համար տարբեր երկրների միջնորդների ներգրավումն է։
Օրերս Սլովակիան հայտնել էր, որ սկսել է ռուսական գազը ստանալ «Թուրքական հոսք» գազատարով։
Թարգմանությունը՝ Էմմա Չոբանյանի
