13.03.2026 | 16:40
IDBank-ը հայտարարում է IDDistributor ֆինանսական գործիքի գործարկման մասին
Հունաստանի նախագահ է ընտրվել խորհրդարանի նախկին խոսնակ Կոստաս Տասուլասը
Քաղաքականություն
12.02.2025 | 16:15
Հունաստանի խորհրդարանը նախագահ է ընտրել իշխող պահպանողական Նոր ժողովրդավարություն կուսակցության թեկնածու, խորհրդարանի նախկին խոսնակ Կոնստանտինոս Տասուլասին, գրում է Kathimerini-ն։
Տասուլասը ստացել է 160 կողմ ձայն։ Խորհրդարանի 300 անդամներից քվեարկությանը մասնակցել է, ընդհանուր առմամբ, 276-ը։ Ընտրվելու համար թեկնածուին անհրաժեշտ էր ընդամենը 151 ձայնի պարզ մեծամասնություն։ Խորհրդարանի 300 տեղերից 156-ը զբաղեցնում են «Նոր դեմոկրատիա» կուսակցության պատգամավորները։
Երդմնակալության արարողությունը նախատեսված է մարտի 13-ին, երբ ավարտվում է Հունաստանի հեռացող նախագահ Կատերինա Սաքելարոպուլուի լիազորությունների ժամկետը։
Հունաստանի նախագահն ընտրվում է խորհրդարանի կողմից, հինգ տարի ժամկետով։
Թարգմանությունը՝ Տաթև Ֆռանգյանի
