25.05.2026 | 21:42
Օսիպյանը քաղբանտարկյա՞լ․ արցախցի գործիչը հացադուլի մեջ է, քաղհասարակությունը պահանջում է ազատել նրան․ ՏԵՍԱՆՅՈՒԹ
Կրակոցներ են եղել, մարդիկ են սպանվել նախագահականում․ Զելենսկին պատմել է ՌԴ-ի կողմից իր նկատմամբ մահափորձերի մասին
Քաղաքականություն
12.02.2025 | 16:07
2022 թվականին Ռուսաստանի լայնամասշտաբ ներխուժման սկզբում Ուկրաինայի նախագահ Վլադիմիր Զելենսկիի դեմ մահափորձը հանգեցրել է նախագահական գրասենյակի ներսում մարդկանց սպանության։ Այս մասին The Guardian-ին տված հարցազրույցում պատմել է ինքը՝ Զելենսկին, փոխանցում է The Kyiv Independent-ը։
«Կային մարդիկ, որոնք ցանկանում էին սպանել ինձ, կրակոցներ են եղել։ Ոմանք սպանվեցին այստեղ՝ նախագահականի ներսում, մյուսները պաշտպանում էին մեզ»,- պարզաբանել է Զելենսկին։
Նա չի հստակեցրել, թե զոհերի թվում ռուսներ են եղել, ուկրաինացիներ, թե՞ երկուսն էլ: Զելենսկին ասել է, որ մահափորձերը տեղի են ունեցել Ռուսաստանի ջանքերի ֆոնին՝ ճնշելու Ուկրաինայի ղեկավարությանը խաղաղության ցավալի պայմաններ ընդունելու համար։
Մինչև 2022 թվականի մարտը հաղորդվել է Զելենսկիի դեմ առնվազն երեք մահափորձի մասին, երբ ռուսական ուժերը մղվում էին դեպի Ուկրաինայի մայրաքաղաք՝ նախքան Կիևի ճակատամարտում պարտվելը: 2024 թվականի մայիսին Ուկրաինայի Անվտանգության ծառայությունը հայտարարել էր, որ կանխել է Ռուսաստանի Անվտանգության դաշնային ծառայության դավադրությունը, որի նպատակը երկրի նախագահի սպանությունն էր։
2023 թվականին Independent-ը հայտնել էր, որ լայնամասշտաբ ներխուժման սկզբից ի վեր Վլադիմիր Զելենսկին վերապրել է ավելի քան 12 մահափորձ։
Թարգմանությունը՝ Էմմա Չոբանյանի
