03.04.2026 | 23:13
NASA-ն հրապարակել է Երկրի նոր լուսանկարը
Ուկրաինայի պաշտպանության նախարարը հայտարարել է ՌԴ-ի հետ բանակցությունների պատրաստակամության մասին
Քաղաքականություն
12.02.2025 | 17:39
Ուկրաինան պատրաստ է Ռուսաստանի հետ բանակցությունների, հայտարարել է երկրի պաշտպանության նախարար Ռուստեմ Ումերովը։ Նա, միաժամանակ, ընդգծել է, որ «արդար և տևական խաղաղություն հնարավոր է միայն այն դեպքում, երբ Ուկրաինան ուժեղ լինի մարտի դաշտում», գրում է The Moscow Times-ը։
Ումերովը Բրյուսելում մասնակցում է Ռամշտեյնի ձևաչափով կոնտակտային խմբի հանդիպմանը։
«Մենք աշխատում ենք ամրապնդել մեր պաշտպանությունը և ամբողջ Եվրոպայի անվտանգությունը»,- նշել է նա։
Հանդիպումն առաջին անգամ նախագահում է Միացյալ Թագավորության պաշտպանության պետքարտուղար Ջոն Հիլին։ Ներկա է նաև ԱՄՆ պաշտպանության նախարար Փիթ Հագսեթը։
Ավելի վաղ Կրեմլը հայտարարել էր, որ Ռուսաստանը չի հրաժարվում բանակցություններ վարել Վլադիմիր Զելենսկիի հետ՝ չնայած այն հանգամանքին, որ ՌԴ նախագահ Վլադիմիր Պուտինը նրան համարում է Ուկրաինայի «ոչ լեգիտիմ» ղեկավար։
Թարգմանությունը՝ Տաթև Ֆռանգյանի
