Քաղաքականություն
12.02.2025 | 16:45
Թուրքիայի նախկին վարչապետ, նախկին ԱԳ նախարար, «Ապագա» (Gelecek) կուսակցության նախագահ Ահմեթ Դավութօղլուն առաջարկել է Գազան միավորել Թուրքիայի հետ։ Նա այսպես է արձագանքել ԱՄՆ նախագահ Դոնալդ Թրամփի՝ Գազայի հետ կապված ծրագրին, հաղորդում է HaberTurk-ը։
«Թրամփն իրականում ցանկանում է գրավել բնական գազի հանքավայրերը, որոնց տիրապետելը պաղեստինցիների իրավունքն է: Գազայի վերջին օրինական պետությունն Օսմանյան կայսրությունն է: Մենք նաև Օսմանյան կայսրության օրինական շարունակություն պետությունն ենք։ Հիմա, որպես թուրք, որպես Օսմանյան կայսրության հպատակ թուրք, ես ասում եմ Թրամփին՝ Գազայի բնակիչների վերջին օրինական պետությունը Օսմանյան կայսրությունն էր»,- հայտարարել է Դավութօղլուն։
Նա հավելել է՝ Գազայի ժողովուրդը պետք է հանրաքվե անցկացնի։
«Գազայի ժողովուրդը պետք է հանրաքվե անցկացնի և միանա Թուրքիայի Հանրապետությանը՝ որպես ինքնավար շրջանի, մինչև Պաղեստին պետության ստեղծումը»,- հայտարարել է թուրք գործիչը։
Թարգմանությունը՝ Էմմա Չոբանյանի
