13.01.2026 | 15:44
«Այաչոյի» նախկին նախագահը սպանվել է մոր հուղարկավորության ժամանակ
Իրանի կառավարությունը հայտարարել է, որ հրաժարվում է ԱՄՆ-ի հետ բանակցել՝ Թրամփի ճնշման պատճառով
Քաղաքականություն
12.02.2025 | 15:44
Իրանի կառավարության խոսնակ Ֆաթեմեհ Մոհաջերանին հայտարարել է, որ Թեհրանը հրաժարվում է բանակցել Միացյալ Նահանգների հետ, քանի որ նախագահ Դոնալդ Թրամփի վարչակազմը պատրաստ չէ լուծել խնդիրը դիվանագիտական ճանապարհով:
Թրամփն ավելի վաղ հայտարարել էր, որ նախընտրում է Իրանի հետ համաձայնության գալ միջուկային հարցի շուրջ, քան «այն ռմբակոծել գրողի ծոցը»:
«Բանակցությունները ենթադրում են պայմաններ։ Ուժի լեզուն բանակցային գործընթացի մաս չէ, իսկ հայտարարված առավելագույն ճնշումը չի նպաստում բանակցություններին։ Մենք «ոչ» ենք ասում հակառակ կողմի հետ բանակցություններին, քանի որ նրանք չեն հասկանում դիվանագիտության լեզուն։ Աշխարհը տեսավ, որ Գործողությունների համատեղ համապարփակ ծրագիրը ստորագրվեց Իրանի ջանքերի արդյունքում, բայց ամեն ինչ ավարտվեց նրանց միակողմանի ելքով»,- ասել է Ֆաթեմեհ Մոհաջերանին, փոխանցում է SNN-ը։
Իրանի նախագահ Մասուդ Փեզեշքիանն այս շաբաթ ասել է, որ թեև Դոնալդ Թրամփը բանակցությունների պատրաստակամություն է հայտնել, նա ավելի ու ավելի շատ հրամաններ է ստորագրում «հակաիրանական ինտրիգներով»: Այսպես՝ ԱՄՆ նախագահը հրամանագիր է ստորագրել Իրանի նկատմամբ «առավելագույն ճնշման» քաղաքականության վերսկսման մասին։
Իսլամական Հանրապետության ԱԳՆ-ն հայտարարել է, որ «առավելագույն ճնշման» պատասխանը կլինի Իրանի «առավելագույն դիմադրությունը»:
Թարգմանությունը՝ Տաթև Ֆռանգյանի
