Քաղաքականություն
12.02.2025 | 12:16Բոլոր հարցերը քննարկվում են փոխադարձության սկզբունքի հիման վրա, այս մասին ԱԺ-ում լրագրողների հետ ճեպազրույցում ասաց ԱԺ նախագահ Ալեն Սիմոնյանն՝ անդրադառնալով տրանսպորտային ուղիների ապաշրջափակման հնարավորություններին։
«Չկա մի բան, որ պարտադիր է Ադրբեջանի համար ու չի գործելու Հայաստանի համար»,-ասել է նա։ Ճշտող հարցին՝ ընդունելի՞ է փոխադարձությունն Ադրբեջանի համար, Սիմոնյանն արձագանքեց. «Դե, եթե քննարկում ենք, ուրեմն՝ այո՛, իհա՛րկե»։
Հարցին՝ ի՞նչն է այդ դեպքում խանգարում կյանքի կոչել, ԱԺ խոսնակն արձագանքեց. «Բեռների ապահովության հարցն է, շփումների հարցն է, որովհետև, հաշվի առնելով վերջին տասնամյակների լարվածությունը, պետք է հասկանալ, թե ոնց է, օրինակ, իրավական գործընթացը տեղի ունենալու երկու երկրների քաղաքացիների, գերատեսչությունների միջև»։
Ըստ Ալեն Սիմոնյան՝ միջանցքի տրամաբանությունը խաղաղություն չի բերելու, այն պատերազմի մասին խոսույթ է։
Մանրամասները՝ տեսանյութում։
