13.03.2026 | 16:40
IDBank-ը հայտարարում է IDDistributor ֆինանսական գործիքի գործարկման մասին
«Կոնգրեսը կուղարկի ցուցակները, մենք կփոխանցենք ԱԴԾ-ին»․ Վոլոդինը՝ «թշնամի USAID-ից» գումար ստացած ռուսների մասին
Քաղաքականություն
11.02.2025 | 20:13
ՌԴ Պետդումայի խոսնակ Վյաչեսլավ Վոլոդինն առաջարկել է ռուսաստանցի քաղաքական գործիչներին, իրավապաշտպաններին և հասարակական գործիչներին, որոնք գումար են ստացել ԱՄՆ Միջազգային զարգացման գործակալությունից (USAID), «հրապարակային խոստովանել այդ մասին և ապաշխարել Կարմիր հրապարակում», գրում է Մեդուզան։
«Այժմ նրանք գնացել են՝ հույս ունենալով, որ ԱՄՆ ՄԶԳ-ն իրենց կֆինանսավորի այնտեղ՝ դրսում։ Իսկ հիմա սոված ու մրսած կնստեն՝ հույս ունենալով, որ իրենց էլի ինչ-որ բան կտան։ Ոչ ոք ոչինչ չի տա»,- ասել է Վոլոդինը:
Ըստ Պետդումայի խոսնակի՝ Ռուսաստանի իշխանությունները պետք է ԱՄՆ Կոնգրեսից պահանջեն ցուցակ, թե ՌԴ-ից ում է ֆինանսավորել USAID-ը։
«Եթե կազմակերպությունը թշնամի են ճանաչել, թող մեզ տան ցուցակները։ Կոնգրեսը կուղարկի ցուցակները, մենք դրանք կտրամադրենք ԱԴԾ-ին»,- հավելել է նա։
Հիշեցնենք, որ պաշտոնավարման առաջին օրը Դոնալդ Թրամփը 90 օրով սառեցրել է USAID-ի արտաքին օգնությունը՝ ստուգելու համար, թե որքանով են գործակալության ծրագրերը համապատասխանում «ամերիկյան արժեքներին» և ԱՄՆ արտաքին քաղաքականության նպատակներին: Փետրվարի սկզբին գործակալության գրասենյակը փակվել է, աշխատակիցների մի մասը հարկադիր արձակուրդ է ուղարկվել։
«Reuters»-ի տվյալներով՝ ԱՄՆ-ի ՄԶԳ-ում մեծածավալ կրճատումներ են նախապատրաստվում, 10,000 աշխատակիցներից միայն մոտ 300-ը կարող են պահպանել իրենց աշխատանքը:
Թարգմանությունը՝ Տաթև Ֆռանգյանի
