09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Կրեմլը տեղեկություն չունի Թրամփի մերձավոր Սթիվ Ուիտկոֆի՝ Մոսկվա ժամանելու մասին
Քաղաքականություն
11.02.2025 | 16:23
Կրեմլը որևէ տեղեկություն չունի ԱՄՆ նախագահ Դոնալդ Թրամփի մերձավորներից Սթիվ Ուիտկոֆի՝ Մոսկվա հնարավոր ժամանման մասին, նրա հետ շփումներ չեն նախատեսվում։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է Ինտերֆաքսը։
«Ոչ, որևէ տեղեկություն չկա։ Որևէ շփում մենք չենք ծրագրում»,- ասել է Պեսկովը լրագրողներին՝ մեկնաբանելով տելեգրամյան ալիքների հաղորդագրությունները, թե Ուիտկոֆը ժամանել է Մոսկվա։
Կրեմլի ներկայացուցչին հարցրել են նաև՝ արդյո՞ք ուկրաինական հարցով շփումներ են նախատեսվում։
«Մենք ասել ենք, որ որոշակի խողովակներով, տարբեր գերատեսչությունների գծով շփումներ են իրականացվում։ Ինչպես արդեն ասել ենք՝ դրանք ինտենսիվանում են, մինչ ԱՄՆ վարչակազմը սկսում է գործել Վաշինգտոնում։ Տվյալ դեպքում ուկրաինական կարգավորման առումով ոչինչ չկա»,- ասել է Պեսկովը։
Ավելի վաղ OSINTdefender նախագիծը հայտնել էր, որ Gulfstream G650ER բիզնես-ջեթը, որը նախօրեին թռել է Վաշինգտոնից, և որը, ըստ աղբյուրի, պատկանում է Մերձավոր Արևելքի հարցերով Թրամփի հատուկ բանագնացին և նրա մերձավոր օգնականին, մտել է Ռուսաստանի օդային տարածք և մոտենում է Մոսկվային։
Թարգմանությունը՝ Էմմա Չոբանյանի
