08.08.2026 | 17:52
Սերբիան կաջակցի Ուկրաինային ԵՄ անդամակցության ճանապարհին․ Վուչիչ
Մոսկվան պատրաստ է օգնել Երևանին ու Բաքվին խաղաղ կարգավորման հարցում․ Պեսկովն արձագանքել է Ալեն Սիմոնյանին
Քաղաքականություն
11.02.2025 | 14:01
Ռուսաստանը պատրաստ է աջակցել Հայաստանի և Ադրբեջանի միջև խաղաղ կարգավորմանը, բայց նաև ողջունում է կողմերի անկախ քայլերը։ ՌԴ նախագահի մամուլի քարտուղար Դմիտրի Պեսկովն այսպես է արձագանքել Հայաստանի ԱԺ նախագահ Ալեն Սիմոնյանի հայտարարությանը, գրում է ՏԱՍՍ-ը։
«Մենք տարբեր մակարդակներով հայտարարություններ ենք լսել Երևանից, որ, ըստ էության, միջնորդների կարիք չկա: Ե՛վ Երևանը, և՛ Բաքուն արդեն ի վիճակի են շարունակել բանակցությունները մինչև այս գործընթացի ավարտը։ Պահպանելով մեր պատրաստակամությունը ցանկացած աջակցություն ցուցաբերելու հարցում՝ մենք կողջունենք նրանց ինքնուրույն քայլերը»,-ասել է Պեսկովը։
Կրեմլի խոսնակն ընդգծել է Մոսկվայի դիրքորոշումը. «Գլխավորն այն է, որ Հարավային Կովկասի տարածաշրջանը մնա կանխատեսելի, խաղաղ, և այն իսկապես դառնա բարգավաճման և համագործակցության տարածք»:
ԱԺ-ում լրագրողների հետ ճեպազրույցում ՀՀ ԱԺ նախագահ Ալեն Սիմոնյանը հայտարարել է, որ միջնորդության ռուսական առաջարկի ընդունումը Հայաստանի կողմից քիչ հավանական է, հայկական կողմը պատրաստ է առաջարկներ քննարկել, սակայն անցյալի փորձը շատ վատ հիշողություններ է թողել։
Թարգմանությունը՝ Էմմա Չոբանյանի
