17.07.2026 | 22:44
Երթևեկության կազմակերպման փոփոխություն կկատարվի Երևանի Վարշավյան փողոցում
ԵՄ-ՀՀ հարաբերությունները երբեք այսքան սերտ չեն եղել․ Եվրահանձնաժողովը՝ Երևանի հետ մերձեցման մասին
Քաղաքականություն
11.02.2025 | 13:39
Եվրամիության հետ մերձեցման գործընթացը թափ է հավաքում, սակայն Հայաստանը դեռևս պաշտոնական հայտ չի ներկայացրել անդամակցության համար։ Այս մասին «Իզվեստիային» հայտնել են Եվրահանձնաժողովից։
«Հայաստանում ընթացող քննարկումները ցույց են տալիս Եվրամիության գրավչությունն ու նրա արժեքները։ ԵՄ-Հայաստան հարաբերությունները երբեք այսքան սերտ չեն եղել, որքան հիմա։ Վիզայի ազատականացման երկխոսության մեկնարկը և 10 միլիոն եվրոյի աջակցությունը Եվրոպական խաղաղության հիմնադրամի շրջանակում դա ցույց են տվել»,- ասվում է հայտարարության մեջ:
Բրյուսելը խոստացել է նաև հայ գործընկերների հետ քննարկել եվրաինտեգրման մասին օրենքի նախագիծը։ Նշվում է, որ չնայած ԵՄ-ին անդամակցության հարցը դեռևս իրավական առումով օրակարգում չէ, Հայաստանն արդեն գնում է դեպի միության հետ ավելի խորը գործընկերության։
Թարգմանությունը՝ Էմմա Չոբանյանի
