25.05.2026 | 21:42
Օսիպյանը քաղբանտարկյա՞լ․ արցախցի գործիչը հացադուլի մեջ է, քաղհասարակությունը պահանջում է ազատել նրան․ ՏԵՍԱՆՅՈՒԹ
ԱՄՆ-ը ԵՄ-ից կպահանջի վճարել Ուկրաինային ամերիկյան զենք մատակարարելու համար
Քաղաքականություն
11.02.2025 | 13:53
ԱՄՆ նախագահ Դոնալդ Թրամփի վարչակազմը ձգտում է ճնշում գործադրել եվրոպացի դաշնակիցների վրա՝ սկսելու ամերիկյան զենք գնել Ուկրաինայի համար, Reuters-ին հայտնել են խնդրին ծանոթ երկու աղբյուրներ:
Ըստ նրանց՝ Ուկրաինայի հարցով հատուկ բանագնաց Քիթ Քելլոգն այս հարցը կքննարկի եվրոպական երկրների ներկայացուցիչների հետ Մյունխենի անվտանգության համաժողովում, որը կանցկացվի փետրվարի 14-ից 16-ը։ Գործակալության զրուցակիցները մանրամասնել են, որ սա Թրամփի վարչակազմի գաղափարներից մեկն է, որը տարբերակներ է փնտրում, թե ինչպես շարունակել մատակարարումներն Ուկրաինային՝ առանց մեծ ծախսերի։
Քելլոգը հրաժարվել է հաստատել կամ հերքել նման ծրագրի գոյությունը։
«ԱՄՆ-ը մշտապես ցանկանում է վաճառել ամերիկյան արտադրության զենք, քանի որ դա ուժեղացնում է [ամերիկյան] տնտեսությունը։ Տարբերակները շատ են։ Այժմ ամեն ինչ դիտարկվում է»,- ասել է Թրամփի հատուկ ներկայացուցիչը։
Ավելի վաղ Թրամփը հայտարարել էր, որ ԱՄՆ-ն Ուկրաինային տրամադրել է 200 միլիարդ դոլարի զենք։ Նա նշել է, որ մտադիր է փոխհատուցում պահանջել այդ ծախսերի համար։
Թարգմանությունը՝ Տաթև Ֆռանգյանի
