Քաղաքականություն
10.02.2025 | 20:13
Հայաստանի և Թուրքիայի միջև սահմանային անցակետի բացման հարցում այս պահին զարգացում չկա, այս մասին Factor.am-ին հայտնեց ԱԳՆ մամուլի խոնակ Անի Բադալյանը` անդրադառնալով մամուլում շրջանառվող լուրերին, թե սահմանի Մարգարայի անցակետի բացումը նախատեսվում է մարտի 1-ին։
Նա նշեց, որ սահմանի բացման վերաբերյալ նորություն լինելու պարագայում կտեղեկացնեն:
Ավելի վաղ News.am-ը հայտնել էր, որ հայ-թուրքական սահմանի Մարգարայի անցակետը կբացվի մարտի 1-ին: Ըստ լրատվամիջոցի` միաժամանակ նախատեսվում է, որ անցակետը կհսկեն ՀՀ ազգային անվտանգության ծառայության ուժերը։
Հայ-թուրքական բանակցային գործընթացից լավատեղյակ մեր աղբյուրը ևս չհաստատեց այս տեղեկությունը։
Հիշեցնենք, որ Մարգարայի անցակետի վերազինման համար ՀՀ-ն 1 միլիարդ դրամ է ծախսել:
Մանյա Պողոսյան
