09.10.2026 | 10:21
Թուրքմենստանում ընթանում է ԱՊՀ պետությունների ղեկավարների գագաթնաժողովը՝ Նիկոլ Փաշինյանի մասնակցությամբ
ՌԴ ԱԳ փոխնախարարը հայտարարել է, որ Մոսկվան Թրամփից «բավարարող» առաջարկներ չի ստացել պատերազմը դադարեցնելու վերաբերյալ
Քաղաքականություն
10.02.2025 | 19:44
ԱՄՆ նախագահ Դոնալդ Թրամփի վարչակազմը ռուսական կողմին կոնկրետ առաջարկներ չի ուղարկել Ուկրաինայում պատերազմի ավարտի համար բանակցություններ սկսելու վերաբերյալ, որոնք կհամապատասխանեն Մոսկվայի շահերին։ ՌԻԱ Նովոստիի հետ զրույցում նման հայտարարություն է արել ՌԴ փոխարտգործնախարար Միխայիլ Գալուզինը։
Մեկնաբանելով երկխոսության հնարավոր մոտալուտ մեկնարկի մասին Արևմուտքի և Ուկրաինայի հայտարարությունները՝ դիվանագետը նշել է, որ նման հայտարարությունները պետք է ընկալվեն որպես տեղեկատվական արշավի մաս, որի նպատակն է ստեղծել բարենպաստ ֆոն և ձևավորել բանակցությունների համար բարենպաստ դիրքորոշումներ։
«Մենք իրատեսորեն ենք մոտենում նման հայտարարություններին։ Կարևոր է, որ խոսքերն ապահովվեն գործնական քայլերով, որոնք հաշվի են առնում Ռուսաստանի օրինական շահերը, պատրաստակամություն են դրսևորում արմատախիլ անել ճգնաժամի հիմնական պատճառները և ճանաչել նոր իրողությունները։ Նման կոնկրետ առաջարկներ դեռ չեն եղել»,- ընդգծել է Գալուզինը։
Ըստ The Moscow Times-ի բարձրաստիճան պաշտոնական աղբյուրների՝ Կրեմլի և Սպիտակ տան վարչակազմերի միջև կապ է հաստատվել դեռևս 2024 թվականի նոյեմբեր-դեկտեմբերին։ Այս ընթացքում տեղի է ունեցել Վլադիմիր Պուտինի և Թրամփի առաջին ուղիղ զրույցը։
ՌԴ ԱԳՆ-ի աղբյուրը հայտնել է նաև, որ Մոսկվան Վաշինգտոնի հետ դիտարկում է գլխավոր բանակցողի թեկնածությունները։ Նրա խոսքով՝ այդ գործառույթը, ամենայն հավանականությամբ, կվստահվի Պուտինի ամենամոտ գործընկերներից մեկին, հնարավոր է՝ մի մարդու, որն աշխատել է նրա հետ դեռևս Սանկտ Պետերբուրգում։
Թարգմանությունը՝ Տաթև Ֆռանգյանի
